Hoxe tivemos os segundo día de gravacións dos programas de radio que estamos a facer dentro do Proxecto “Activistas polo mundo que queremos”.
A próxima semana poderedes escoitar os 5 podcast de radio realizados polxs alumnxs de 1º e 2º de ESO. Mentres tanto unhas cantas fotos da sesión de hoxe.
Hoxe seguimos co noso proxecto “Activistas polo mundo que queremos” e tivemos un obradoiro de radio impartido por Rocío e María no que os cursos de 1º e 2º da ESO gravaron os seus programas de radio.
Pero antes da gravación, Rocío nos
deu algúns consellos e técnicas para preparar e mellorar as nosas voces, así
como unha mini clase sobre o que tiñamos que saber para realizar o programa. De seguido comezamos as gravacións.
Todos os grupos tiñan preparadas
as súas reportaxes que estiveron realizando durante varias semanas. A verdade é que estes rapaces e rapazas
fixeron un magnífico traballo de investigación para realizar os seus guións de
radio nos que incluíron entrevistas, testemuños, estatísticas ou comentarios
reflexivos. Temas como o medio ambiente,
a igualdade, os microracismos, os
dereitos do colectivo LGTBI ou o activismo en xeral foron parte dos contidos
que trataron.
Nas entrevistas que realizaron
para as reportaxes contaron coas
testemuñas e aportacións de persoas como Javier Cristobo (biólogo e
científico), Paula Mayobre (atleta), Cristina Correa (activista e cooperante
en Uganda), Jon Rodríguez (escritor, articulista e activista LGTBI), Conchi
Ramil (vicepresidenta do Padroado Concepción Arenal -Casa de Acollida de
Mulleres Maltratadas e Exclusión Social de Ferrol), Celsa Formoso (Presidenta
da Asociación de Amigos do Mosteiro de Santa Catalina) ou Juan Carlos Rey
(mariñeiro de Ares). A todos eles lles damos as máis efusivas grazas por
atender á chamada do noso alumnado e colaborar con eles sempre que os precisan.
En breve colgaremos os podcast de
radio e poderedes gozar co seu traballo.
Ata entón... un pouco de
suspense!!!
Xa temos os gañadorxs do Concurso de portada de Libros. Un magnífico traballo coma sempre. Parabéns a todas e todos!!!
ESO:
1º- Cristiam Campos
2º- Mateo Martínez
3º- Iria Filgueira
5º e 6º de E.P.:
1º -Yaiza Silvent e Claudia Mosquera
2º- Bega Fernández
3º- Luís Miguel Rañales
3º e 4º de E.P.:
1º- Roque Rodríguez
2º Gelena Aquino
3º- Jorge Pena
1º e 2º de E.P.
1º- Martina Mayobre
2º- Sabela Miguel.
3º- Mara Cartelle
Educación Infantil:
Premio a toda a aula de 6º A
Con esta actividade pretendemos que o alumnado do 1º ciclo de ESO coñeza as
historias de vida dos seus avós e avoas; as súas orixes, como viviron, como foi a súa xuventude,
cal era a forma de divertirse nos seus tempos... en definitiva, a súa historia.
Logo do traballo de investigación
realizarán ben unha gravación de audio, ben unha con imaxe e audio, tanto deles
como dos seus familiares. Nela recolleranse os resultados do traballo da
narración oral.
Obxectivos
· - Potenciar e estimular o uso oral do galego.
-Utilizar
ao propio alumnado como elemento dinamizador.
-Fomentar
a creatividade e a participación do alumnado.
-Potenciar
o diálogo cos maiores e rescatar a memoria histórica.
O día Internacional do Libro é unha data moi especial para as escolas, para os lectores e para todas as persoas amantes dos libros. No noso centro unímonos a Biblioteca Carabela, O Equipo de Dinamización Lingüística, o Equipo do proxecto ERASMUS+ e a Concellaría de Cultura do noso concello para facer e programar unha morea de actividades. Aquí vai unha mostra delas.
IV EDICIÓN do CONCURSO DE PORTADA DE LIBROS
CONCURSO DE MICRORRELATOS EN COLABORACIÓN CO CONCELLO DE ARES
POEMAS CON AROMA A ROSA ( Realizados polo alumnado de 6º EP)
ERASMUS -DÍA DO LIBRO
Nas seis escolas que estamos no ERASMUS preparamos algunhas actividades en común. Fixemos un libro-vídeo (en dúas versións inglés e galego) sobre a vida de Cervantes e Shakespeare ademais doutro sobre a orixe desta celebración e os diferentes eventos que teñen lugar en outros países.
Neste vídeo o alumnado da ESO fai unha lembranza da vida e obra de Xela Arias, autora homenaxeada no Día das Letras Galegas.
Seguimos co noso proxecta “Activistas polo Mundo que Queremos” e nesta parada tomamos contacto con activistas doutros países. No noso caso puidemos contactar con Grecia Villalobos activista salvadoreña transxénero, defensora dos dereitos humanos, especialmente aqueles da poboación trans. Grabamos algunhas preguntas para enviarlle e ela moi amablemente respostou enviándonos o seguinte vídeo.
Dentro das actividades propostas para conmemorar o Día do Libro, o EDLG do CPI As Mirandas e a Concellaría de Cultura do Concello de Ares lanzamos o
I Concurso de escritura creativa de Microrrelatos.
ANIMÁDEVOS A PARTICIPAR!!!
AQUÍ TEDES AS BASES.
Animádevos a
participar e…deixade voar a imaxinación!!!
AQUÍ PODEDES CONSULTAR AS BASES
Concurso Portada de Libros by yolick20003194 on Scribd
Como cada ano por estas datas (e xa hai cinco!), o certame Enreguéifate comeza a súa andaina á procura de estudantes e público en xeral que se apunte á práctica da arte da improvisación oral coa regueifa en lingua galega. Nesta ocasión, faino ademais coa recente boa nova de ter recibido o Premio Mil Primaveras da Coordinadora de Traballadores/as de Normalización da Lingua (CTNL) ao mellor proxecto estabilizado.
Enreguéifate é un proxecto impulsado polos concellos de Ames, Pontevedra, Rianxo, Santiago de Compostela e Teo que apoia a difusión da improvisación oral en verso (regueifa) para contribuír, por medio dela, á promoción do uso da lingua galega. Neste camiño, Enreguéifate súmase ao labor que xa veñen realizando diversas entidades públicas e privadas, así como moitas persoas do ámbito cultural e do ensino. O obxectivo principal deste proxecto é que a cidadanía entre en contacto coa improvisación oral en verso a través da experiencia de regueifar, nomeadamente no ámbito escolar. Por iso, inclúe accións formativas para alumnado e profesorado, un certame regueifeiro e un encontro anual de regueifa.
