VISITA DE ÉRICA ESMORÍS

O martes 23 os alumnos de 5º e 6º de E.P. tivemos a visita da autora Érica Esmorís gañadora do premio Merlín 2015 co seu libro Nena e o mar. Foi unha sesión moi amena, falamos do seu libro (que estamos a ler),tamén un pouco da súa vida. Contounos que sempre lle gustaron os animais, o mar e escribir(É veterinaria).Escoitamos tamén a banda sonora que se fixo para este libro (o seu mozo é músico). Para rematar fixémoslle moitas preguntas as que ela respondeu con agrado.

NENA E O MAR - Kizoa Movie Maker

PREVISIÓN DO TEMPO PARA ESTA FIN DE SEMANA

Raúl, o noso home do tempo desta fin de semana, preséntanos como serán as previsións aínda que xa vos avisamos que teñades a man roupa de abrigo e paraugas!!!!.

 

DÍA DE ROSALÍA: HOMENAXE A NOSA POETISA

O día 24 de febreiro celebramos o Día de Rosalía, data na que se conmemora o aniversario do seu nacemento , unha das maiores referentes da nosa literatura. E para homenaxeala realizamos unha morea de actividades: O alumnado e profesorado de secundaria realizou un envío masivo e simultáneo dun verso de Rosalía desde os seus terminais móbiles baixo a etiqueta #mobilizarosalía. O verso, do poema IV de Cantares gallegos (parte da estrofa 13) é o seguinte: “Trocando en sonrisas / queixiñas e choros”, e o enviaron a través das redes sociais, en calquera das súas múltiples aplicacións e formatos, acompañado dunha imaxe alusiva a Rosalía.
 O alumnado de primaria elaborou e enviou unha postal cun deseño alusivo ao Día de Rosalía, e coa estrofa de “Alborada” de Cantares gallegos: “ Canta, paxariño alegre...”. Tamén fixemos unha serie de vídeos con poemas da nosa poetisa e a na clase de música da profe Lara cantaron os seus versos. Aquí vos deixamos os vídeos deste excelentes traballos. Esperamos que vos gusten e.... VIVA O DÍA DE ROSALÍA!!!! 

                                           

                      

II CONCURSO DE FOTOGRAFÍA "GALICIA, AUGA E LITERATURA"

Convócase o II Concurso de Fotografía "Galicia, Auga e Literatura", patrocinado por Viaqua.

Podedes participar cos vosos alumnos enviando os traballos ata o próximo 10 de maio ao seguinte enderezo:

II Concurso de Fotografía “Galicia, Auga e Literatura”

La Voz de Galicia

Departamento de Marketing

Polígono Industrial de Sabón

Avenida da Prensa, 84 – 85 15143 Arteixo (A Coruña)

O que se busca con este concurso é achegar a literatura galega aos escolares de Educación Primaria e Secundaria a través da auga; á vez que se conciencia sobre os usos e beneficios desta.

E como se consegue isto?. Os alumnos deberán elixir un poema ou verso determinado nos que a auga estea presente e ilustralo cunha fotografía. A creatividade e orixinalidade á hora de plasmar nunha fotografía a importancia do coidado do medio ambiente e a auga como recurso escaso, terán a súa recompensa. En concreto, o primeiro e segundo premio para os escolares de cada categoría será unha Tablet Nevir LCD 8" e unha Cámara Dixital Nikon, respectivamente. Os profesores, pola súa banda, serán galardoados cunha estancia dunha noite para dúas persoas en OCA Augas Santas (Pantón - Ourense).

Se tes calquera dúbida, xa podes consultar as bases do concuso que tes acontinuación:

Bases concurso gal from Yolanda Castro

Fisioterapia contra a parálise cerebral

O método 'therasuit' produce grandes beneficios contra patoloxías neuronais. Marcos e Candela, dous exemplos de esforzo e superación persoal. Desde aquí queremos darlles moitos ánimos porque son estupendos.

          http://www.crtvg.es/informativos/fisioterapia-contra-a-paralise-cerebral

NÓS TAMÉN CREAMOS

A Secretaría Xeral de Política Lingüística xunto coa Dirección Xeral de Educación, Formación Profesional e Innovación Educativa en colaboración coa Corporación de Radio e Televisión de Galicia e OQOeditora convocan, un curso máis, a V edición dos premios a curtas de animación Nós tamén creamos! O certame está dirixido a alumnado de educación infantil e de primeiro a cuarto de educación primaria. O prazo para presentar as solicitudes remata o día 8 de marzo. Atoparedes máis información en:

 http://www.lingua.gal/a-secretaria-xeral/convocatorias/_/Premios/convocatoria_0029/edicion-dos-premios-curtas-animacion-galego-emnos-tamen-creamosem

PREVISIÓN DO TEMPO PARA A FIN DE SEMANA DO 19 DE FEBREIRO

Nerea outra das nosas reporteiras do tempo  móstranos as previsións de cara a esta fin de semana. Chover, choverá menos que a semana pasada, pero o frío non hai quen no lo quite do corpo. Como dí o refrán desta semana... "en febreiro sete capas e un sombreiro". Boa fin de semana.

          

INICIO DO PROCESO PARA O CAMBIO DE NOME DO CPI "CONDE DE FENOSA”

Proceso inicio cambio do nome do centro from Yolanda Castro

Formulario de proposta de novo nome do centro from Yolanda Castro

PREVISIÓN DO TEMPO DESTA FIN DE SEMANA

Despois destes días de Entroido e Carnaval pasados por auga e cunha borrasca que deixou tras de si un forte temporal de vento e choiva, deixámosvos a previsión cara esta fin de semana. Seguiremos con choiva e..... Se queredes saber máis podedes ver o vídeo  de Lucía, a nosa presentadora desta semana.
                 

ENTROIDO NO CPI CONDE DE FENOSA

Colorido, desfiles, bailes e moita alegría é o que se viviu no cole a celebración do Entroido 2016, neste fantástico venres no que o sol e o bo tempo, nos acompañou en toda a xornada. Como se de un tunel do tempo se tratase, pola rúa pasaron personaxes de todas as épocas: celtas, romanos, gregos, exipcios, cabaleiros e damas medievais, piratas,  astronautas  e ata os mísmisos homes e mulleres dos anos 20.

Todo elo acompañados da fabulosa Charanga “A Parranda” formada por alumnos e alumnas da ESO, que nos amenizaron o percorrido con unhas magníficas pezas galegas.

       

O remate do desfile degustamos produtos de entroido:orellas, freixos, rosquillas, buñuelos.... Unha xornada estupenda. En hora boa a todos, e aquí vos deixamos un pequeno vídeo  desta data.

                            

PREVISIÓN METEOROLÓXICA PARA A SEMANA DE ENTROIDO

Vera, a nosa reporteira do tempo desta semana, amósanos o tempo que nos espera para estes días de Entroido e Carnaval. Creo que estamos de sorte e mañá venres non choverá, polo que poderemos lucir os nosos disfraces no desfile que realizaremos pola nosa vila.

Aproveitamos para desexarvos a todos e todas unhas felices e divertidas mini vacacións de Entroido.

       

VIDEO CONFERENCIA COA BAE NA ANTÁRTIDA "GABRIEL DE CASTILLA" E O NOSO CIENTÍFICO ARESAN JAVIER CRISTOBO

Hoxe 3 de febreiro  desde  o CPI Conde de Fenosa de Ares  tivemos a oportunidade de conectarnos vía Skype e realizar unha videoconferencia coa base española Gabriel de Castilla, situada na Illa Decepción, na Antártida. Entre os militares e científicos que traballan nesta estación española atópase Javier Cristobo, un aresán que a parte de mergullarse nas xélidas augas polares, leva anos inmerso no mundo da investigación biolóxica, sendo na actualidade o director do Centro Oceanográfico de Gijón. En riguroso directo Cristobo e outros componentes da misión (científicos e membros do exército de terra) explicáronnos en que consistía a súa  labor e o traballo que estaban a realizar, pero o máis importante foi que os rapaces e rapazas puideron falar con eles, facerlles preguntas e coñecer de cerca o proxecto que están a realizar. Incluso puidemos apadriñar algún pingüino  no programa de apadriñamento que levan a termo na Base Española.

Con grande simpatía e coñecemento, contestaron cada unha das preguntas formuladas polos rapaces da ESO e incluso saíron da base para amosarnos o exterior das instalación.

Desde o noso centro agradecemos á BAE española e a todos os que alí traballan o seu esforzó por colaborar cos centros educativos acercando a todos os rapaces e rapazas os seus traballos de investigación e todo o que están a facer tanto militares como investigadores.

A actividade non remata aquí, xa que Javier seguirá en contacto con nós e recibirémolo no noso colexio   á volta da súa campaña.

 Grazas unha vez máis a todo o personal da BAC “Gabriel de Castilla” e, particularmente, ao noso paisano e amigo Javier Cristobo por darnos a oportunidade de realizar de novo esta videoconferencia alén dos nosos mares.

Aquí tedes un pequeno dosier sobre o traballo da Antártida. Premede nel para velo en grande.

Aquí no primeiro vídeo podedes ver un extracto da videoconferencia e no segundo a videoconferencia completa.

 E aquí tedes o noso diploma de apadriñamento

NOTAS DE PRENSA

COMEZAMOS!!!. MANDADOS DO ENTROIDO

Un ano máis chega o entroido, e con el o noso traballo para sair polas rúas e agasallar a todos coa nosa ledicia carnavaleira.
 Empezamos coma sempre cos mandados para ir festexando .
Aquí os deixamos para que non se vos esqueza.

                                                                MANDADOS   
 MARTES 2 DE FEBREIRO:
 
                       SE QUEREMOS PARECER PATOS
                       TRAEREMOS DIFERENTES ZAPATOS,

MÉRCORES 3 DE FEBREIRO:

                         UNHA PAMELA ,UN GORRO OU UN SOMBREIRO
                         O QUE ANTES ATOPES,POÑERAS PRIMEIRO.

XOVES 4 DE FEBREIRO.

                         UNHA CAPA(OU SIMILAR) HAS POÑER,
                         SEXAS HOME OU MULLER.