CELEBRAMOS O DÍA DAS LETRAS GALEGAS!!!

Un ano máis, achégase o Día das Letras; e para conmemoralo, ademáis do traballo adicado a Xosé María Díaz Castro, desde o EDLG propuxemos para Infantil e Primaria unha exposición sobre o traxe tradicional galego. Xa está montada e agardamos a vosa visita. Poderedes ver os traxes de home e muller, de cotío e de gala. Aquí vos deixamos algunhas fotos para ir facendo boca.

Moitas grazas a todas e todos os que colaborastes prestando roupa, maniquíes, etc. Tamén queremos dar as grazas a Teresa, Elena , Emilio e José Ramón Camaño que viñeron desinteresadamente a tocar para nós na hora do recreo e acompañarnos así, nesta semana das Letras Galegas. Fixeronnos bailar e brincar como só os bos ghaiteiros saben facer.


                 

Sin título - Movie Maker

Presentación de diapositivas: Traxes - Diapositivas

DÍAZ CASTRO, GUÍA DIDÁCTICA EDUCACIÓN PRIMARIA

Letras galegas2014 guiaprimaria from satelite1

DÍAZ CASTRO, GUÍA DIDÁCTICA EDUCACIÓN SECUNDARIA

Letras galegas2014 guiasecundaria from satelite1

MONOGRÁFICO DÍAZ CASTRO, CGENDL

Un curso máis, a CGENDL pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o poeta e tradutor Xosé María Díaz Castro. Nela, partíllanse recursos didácticos como actividades para imprimir e en liña, información en diferentes soportes, exposicións, xogos, experiencias en centros, etc. que foron elaborados por docentes, ENDL e outros grupos de traballo dos centros escolares, institucións, asociacións, etc. Dende a CGENDL pretendemos novamente facilitar o voso labor nas aulas; por iso, agardamos polos vosos traballos, propostas e experiencias para partillar co resto do profesorado e as familias: correo@coordinadoraendl.org.

Se premedes na imaxe poderedes acceder directamente á páxina da CGENDL que contén o monográfico sobre Xosé María Díaz Castro.

XOSÉ MARÍA DÍAZ CASTRO. LETRAS GALEGAS 2014

Acércase o Día das Letras e desde a AELG achégannos os contidos que sobre Xosé María Díaz Castro dispoñen na súa web:

 Por unha banda, no Espazo didáctico hai dúas unidades didácticas, ambas da autoría do profesor e crítico literario Armando Requeixo, quen recentemente defendeu a súa tese doutoral A poesía en galego de Xosé María Díaz Castro: estudo e edición crítica. A continuación tedes os enlaces se premedes neles.

  - Para a E.S.O.
   -Para o Bacharelato.

Ademais, no Centro de Documentación da AELG, contamos co seguinte material que vos pode ser de utilidade:

• Un estudo divulgativo, tamén da autoría de Armando Requeixo, que conta cunha breve antoloxía de textos de Xosé María Díaz Castro, coas súas traducións a castelán, inglés, alemán, francés e italiano.
• Unha análise do poema "Penélope", a cargo do escritor Lois Diéguez.
• O artigo de Armando Requeixo "Versos de Ítaca. Presenza de Díaz Castro", publicado no Faro da Cultura, suplemento do Faro de Vigo.
• O discurso de entrada de Manuel María como académico numerario da Real Academa Galega, titulado A Terra Chá: Poesía e Paisaxe.
• O estudo "Novoneyra e Díaz Castro", no monográfico Uxío Novoneyra. A emoción da Terra (Escrita Contemporánea. Revista da Asociación de Escritoras e Escritores en Lingua Galega, núm. E, páxs. 27-32)
• O artigo "Galegos e cristiáns. "Deus fratresque Gallaeciae" - VI. Unha muller e outros poetas", de Victorino Pérez Prieto.
• Finalmente, vídeos coas lecturas de escritores socios da AELG que escolleron poemas de Xosé María Díaz Castro: (Premede neles parar acceder)

Manuel Forcadela
Victorino Pérez Prieto
Armando Requeixo
Xoán Antón Cascudo

ESPAZO WEB SOBRE XOSÉ MARÍA DÍAZ CASTRO

A Secretaría Xeral de Política Lingüística adiántase á celebración do centenario do nacemento de Xosé María Díaz Castro, poeta homenaxeado o Día das Letras Galegas 2014, mediante a apertura dun espazo web que pon á disposición dos centros educativos recursos elaborados por equipos de dinamización da lingua galega. Nesta mesma ligazón poderedes atopar tamén outros materiais de carácter xeral:

 http://www.xunta.es/linguagalega/xose_maria_diaz_castro.

Ao longo das próximas semanas irase ampliando o dito espazo con novos materiais que, sen dúbida, servirán para coñecer mellor a vida e a obra deste autor. Convidámosvos a que, se estades elaborando actividades relacionadas co poeta e queredes compartilas, as enviedes ao Gabinete Provincial de Normalización Lingüística para que poidan ser difundidas a través do web da SXPL.