XA ESTÁ AQUÍ A X EDICIÓN DO CONCURSO DE FOTOGRAFÍA XUVENIL CONCELLO DE ARES

 

 

 Xa temos aquí a X Edición do Concurso de Fotografía Xuvenil que o Concello de Ares organiza cada ano. Como sabedes, deste concurso sairán as fotografías que se incorporarán ao calendario municipal do ano 2027 e que se distribúe entre toda a veciñanza e comarca.

A que che gustaría que a túa fotografía formase parte do calendario deste ano?. Pois xa sabes o que tes que facer, colle o teu móbil ou cámara de fotos e anímate a fotografar espazos, lugares, obxectos, actos ou situacións da nosa contorna que consideres parte da túa, da nosa identidade.

 ANIMÁDEVOS A PARTICIPAR!!!!!!

 Aquí tedes as bases que tamén estarán expostas nos taboleiros das vosas clases.

 

UNHA MALETA MISTERIOSA E UN GRAN RETO: COMEZA A VIAXE DO 1º CICLO

Xa se respira a maxia da aventura no corredor do 1º ciclo! Hoxe, o alumnado do primeiro ciclo de primaria atopouse cunha sorpresa que deixou a máis dun coa boca aberta: unha misteriosa maleta aparcada no corredor.

Ao abrila con toda a ilusión do mundo, os nenos e nenas descubriron o marabilloso libro de "A volta ao mundo en 80 días". Esta brillante estratexia de motivación serviu de chispa para achegar aos máis pequenos á figura do célebre escritor francés Julio Verne e mergullalos no universo das súas fascinantes historias.

Este sorprendente descubrimento abre a porta a un proxecto fascinante para este primeiro trimestre. Lanzamos unha pregunta que xa nos fai soar: Seremos quen de dar a volta ao mundo en 80 días?

A imaxinación do noso alumnado xa está en marcha e a curiosidade a tope! Comenza a viaxe do 1º ciclo!