Este ano Valentín Paz Andrade é o autor elixido pola Real
Academia para ser homenaxeado no Día das Letras Galegas.
|
Andrade naceu na parroquia de Lérez, en Pontevedra, o 23 de
abril de 1898. Realizou os estudos de bacharelato na cidade de Pontevedra e, xa de
mozo, estudou para avogado na Universidade de Santiago de Compostela. Dende moi novo dedicouse a escribir en xornais e revistas e
chegou a dirixir, durante cinco anos, o xornal «Galicia», aínda que
seguiu colaborando noutros xornais e revistas galegas e madrileñas.
Traballou como avogado de varias empresas pesqueiras e escribiu
moitos libros sobre os problemas da pesca en Galicia e no mundo. Fundou, xunto con outras persoas, a empresa Pescanova, dedicada á
pesca en mares moi afastados de Galicia.
Escribiu tamén poesía. O seu primeiro libro está adicado ao seu
amigo Alfonso Rodríguez Castelao, e leva por título Pranto Matricial.
Máis tarde escribiu Sementeira do vento e Cen chaves de
sombra.
Foi membro da Real Academia Galega e da Real Academia Galega das
Ciencias e galardoado co Pedrón de Ouro, a medalla Castelao e numerosos premios
máis, polo seu traballo a prol de Galicia.
Se queredes saber máis sobre el, aquí tedes algún enlaces que
vos axudarán. Tamén podedes visitar o enlace seminariogalan.org onde encontraredes
actividades interactivas para todos os niveis.
Premede nas imaxes para acceder aos recursos e actividades
Actividades interactivas en liña
Documentos e actividades para imprimir
