Seguimos co noso proxecta “Activistas polo Mundo que Queremos” e nesta parada tomamos contacto con activistas doutros países. No noso caso puidemos contactar con Grecia Villalobos activista salvadoreña transxénero, defensora dos dereitos humanos, especialmente aqueles da poboación trans. Grabamos algunhas preguntas para enviarlle e ela moi amablemente respostou enviándonos o seguinte vídeo.
ACTIVISTAS POLO MUNDO QUE QUEREMOS. PLAN PROXECTA 2020-2021
Inauguramos unha nova travesía dentro do Plan Proxecta dá Xunta de Galicia acompañados por un grupo de Ongs (Solidariedade Internacional Galicia, Agareso, Asamblea de Cooperación pola Paz, 100tolas) que se uniron coa meta de transformar este, o noso mundo desigual, por outro máis xusto e equitativo.
Este proxecto pretende apoiar ao alumnado para que coñeza e, dalgunha
maneira, entre a formar parte deste movemento global de mocidade inspiradora.
Todo isto, para fomentar o respecto e a valoración da diversidade como algo
enriquecedor, o consumo responsable, a conciencia ambiental, o respecto
aos DD. HH, o coñecemento dos ODS (Obxectivos de
Desenvolvemento Sostible) a igualdade de xénero... e ademais potenciar
habilidades e actitudes como o diálogo, a corresponsabilidade, a empatía, a
resolución positiva dos conflitos e a solidariedade, desde unha conciencia
crítica, activa, investigadora, non conformista e motivando o OPTIMISMO CARA O
CAMBIO.
Obxectivos xerais
Esta proposta pretende achegar ao profesorado e ao alumnado a realidade dos
países empobrecidos e as dinámicas globais que perpetúan ese empobrecemento, a
través dunha proposta educativa que fusiona as modalidades presencial e virtual
baseada na participación, a creatividade e utilizando o potencial das
ferramentas comunicativas (radio, contrapublicidade) para sensibilizar,
denunciar e transformar. En definitiva, preténdese fomentar un alumnado e
profesorado consciente da interconexión entre as realidades locais e as
dinámicas globais e apoialo no exercicio da súa corresponsabilidade na
construción da xustiza social.
Obxectivos específicos
PARA O ALUMNADO
- Facilitar
coñecementos e habilidades sobre a Educación para a Cidadanía Global
- Crear
un proxecto educomunicativo e de carácter artístico ao redor dos
contido da Educación para a Cidadanía Global.
- Adquirir
competencias para facer fronte aos problemas sociais e ambientais
- Analizar
os problemas sociais e ambientais locais e o seu incidente na contorna global,
para propoñer alternativas desde o local.
- Desenvolver
actividades para comunicar os problemas sociais e ambientais identificados
na súa contorna próxima.
PARA A COMUNIDADE EDUCATIVA
- Xerar
espazo de encontro entre os axentes participantes do proxecto.
- Implicarse
nos proxectos de innovación xerados polo centro.
- Devolverlle
á comunidade educativa e a poboación da vila, cidade o traballo feito polo
alumnado.
- Involucrar
aos membros da comunidade local na construción dunha sociedade máis xusta
e equitativa
Temporización
O proxecto comezará no mes de novembro 2020 (a través dun encontro co
profesorado participante), as sesións que ten que desenvolver o alumnado
comezarán en xaneiro 2021 e prevese a súa finalización en abril 2021
(flexibilidade segundo a dinámica dos centros participantes).
PRIMEIRA SESIÓN: COÑECENDO E CONCIENCIÁNDONOS
Que significa ser activista?
O luns 18 de xaneiro tivemos o primeiro
taller nas aulas como punto de inicio. Visitáronnos María Caride e
Ángela que con grandes doses de entusiasmo e unha
ollada moi positiva fixeron reflexionar ao alumnado de 1º e
2º de ESO sobre Que significa ser activista?.
A través dunha dinámica os rapaces e rapazas analizaron as
problemáticas que afectan a milleiros de persoas no noso planeta, e foron quen
de idear solucións para erradicalas.
No hay comentarios:
Publicar un comentario