OS NOSOS PROGRAMAS DE RADIO. ACTIVISTAS POLO MUNDO QUE QUEREMOS

Despois de poñer en práctica todo o investigado e aprendido no obradoiro de radio no que elaboramos as nosas propias reportaxes radiofónicas, convidamos a todxs a coñecer os temas sobre os que traballamos (feminismo, medio ambiente, racismo, etc.) e tomar partido.

Desde aquí queremos dar as grazas a Javier Cristobo, Paula Mayobre, Conchi Ramil, Jon Rodríguez, Cristina Correa, Celsa Formoso  e Juan Carlos Rey.... por atender a nosa chamada para entrevistalos  e dar a súa visión desde a perspectiva do traballo que eles realizan.

A través dos seguintes podcast podedes escoitar os programas radiofónicos do alumnado de 1º e 2º de ESO.

Aquí tedes os podcast de radio dos programas.

Programa 1 realizado polo alumnado de 2º B . No programa falamos da conservación dos océanos e do ODS 14 e entrevistamos ao biólogo Javier Cristobo. Achegámonos ao colectivo LGTBI da man do activista Jon Rodríguez. Falamos de igualdade de xénero a través de fragmentos de cancións. E por último tratamos o tema do racismo nas películas e no deporte.

Programa 2 realizado polo alumnado de 1º A. Neste programa falamos de medioambiente e o efecto que as especies invasoras como o eucalipto provocan na nosa contorna e entrevistamos a Celsa Formoso, presidenta da Asociación de Amigos do Mosteiro de Santa Catalina. Tamén achegámonos  á labor que esta a facer o Padroado Concepción Arenal Casa de Acollida de mulleres maltratadas e en exclusión de Ferrol, e falamos coa súa vicepresidenta Conchi Ramil e por último entrevistan a Papá Omar e Khadija compañeiros do cole que veñen de outros países.

 

Programa 3 realizado polo alumnado de 1º C .Neste programa falamos de medioambiente e contaminación do mar e para elo contamos con Juan Carlos Rey, un pescador da nosa vila. Tamén tratamos o tema da igualdade de xénero no mundo do deporte con  Paula Mallobre, atleta aresana. Entrevistamos a  dous dos nosos compañeiros que chegaron a Ares de países tan distantes como China e Venezuela e por último analizamos a última enquisa da Axencia de Dereitos Fundamentais da UE sobre a visibilización do colectivo LGTBI. 

Programa 4 realizado polo alumnado de 1º B.  Neste programa falamos das cousas que facemos os humanos e que impiden o desenvolvemento e a reprodución das especies, do racismo no fútbol, da discriminación do colectivo LGTBI e de violencia de xénero.

Programa 5 realizado polo alumnado de 2º A.  Neste programa temos con nós a Cristina Correa profe do noso cole e cooperante que nos falará da súa experiencia como activista en Uganda, falaremos de microrracismos, de conciencia medio ambiental e  de igualdade co colectivo LGTBI como fondo.

2º DÍA DE GRAVACIÓNS. ACTIVISTAS POLO MUNDO QUE QUEREMOS

Hoxe tivemos os segundo día de gravacións dos programas de radio que estamos a facer dentro do Proxecto “Activistas polo mundo que queremos”.

A próxima semana poderedes escoitar os 5 podcast de radio realizados polxs  alumnxs de 1º e 2º de ESO. Mentres tanto unhas cantas fotos da sesión de hoxe.

OBRADOIRO DE RADIO “ Activistas polo mundo que queremos”

Hoxe seguimos co noso proxecto “Activistas polo mundo que queremos” e tivemos un obradoiro de radio impartido por Rocío e María no que os cursos de 1º  e 2º da ESO gravaron os seus programas de radio.

Pero antes da gravación, Rocío nos deu algúns consellos e técnicas para preparar e mellorar as nosas voces, así como unha mini clase sobre o que tiñamos que saber para realizar o programa.  De seguido comezamos as gravacións.

Todos os grupos tiñan preparadas as súas reportaxes que estiveron realizando durante varias semanas.  A verdade é que estes rapaces e rapazas fixeron un magnífico traballo de investigación para realizar os seus guións de radio nos que incluíron entrevistas, testemuños, estatísticas ou comentarios reflexivos. Temas como o medio ambiente,  a igualdade, os microracismos,  os dereitos do colectivo LGTBI ou o activismo en xeral foron parte dos contidos que trataron. 

Nas entrevistas que realizaron para as  reportaxes contaron coas testemuñas e aportacións de persoas como Javier Cristobo (biólogo e científico), Paula Mayobre (atleta), Cristina Correa (activista e cooperante en Uganda), Jon Rodríguez (escritor, articulista e activista LGTBI), Conchi Ramil (vicepresidenta do Padroado Concepción Arenal -Casa de Acollida de Mulleres Maltratadas e Exclusión Social de Ferrol), Celsa Formoso (Presidenta da Asociación de Amigos do Mosteiro de Santa Catalina) ou Juan Carlos Rey (mariñeiro de Ares). A todos eles lles damos as máis efusivas grazas por atender á chamada do noso alumnado e colaborar con eles sempre que os precisan.

En breve colgaremos os podcast de radio e poderedes gozar co seu traballo.

Ata entón... un pouco de suspense!!!

ENCONTROS CON ACTIVISTAS DOUTROS PAISES. PROXECTO ACTIVISTAS POLO MUNDO QUE QUEREMOS

Seguimos co noso proxecta “Activistas polo Mundo que Queremos” e nesta parada tomamos contacto con activistas doutros países. No noso caso puidemos contactar con Grecia Villalobos activista salvadoreña transxénero, defensora dos dereitos humanos, especialmente aqueles da poboación trans. Grabamos algunhas preguntas para enviarlle e ela moi amablemente respostou enviándonos o seguinte vídeo.

             

ACTIVISTAS POLO MUNDO QUE QUEREMOS

Inauguramos  unha  nova travesía dentro do Plan  Proxecta dá Xunta de Galicia acompañados por un grupo de Ongs que se  uniron  coa meta de transformar este o noso mundo desigual por outro máis xusto e equitativo.

Este proxecto pretende apoiar ao alumnado para que coñeza e, dalgunha maneira, entre a formar parte deste movemento global de mocidade inspiradora. Todo isto, para fomentar o respecto e a valoración da diversidade como algo enriquecedor, o consumo responsable, a conciencia ambiental, o respecto aos  DD. HH, o coñecemento dos  ODS (Obxectivos de Desenvolvemento Sostible) a igualdade de xénero... e ademais potenciar habilidades e actitudes como o diálogo, a corresponsabilidade, a empatía, a resolución positiva dos conflitos e a solidariedade, desde unha conciencia crítica, activa, investigadora, non conformista e motivando o OPTIMISMO CARA O CAMBIO.

Así o pasado  luns 18 de  xaneiro  tivemos o  primeiro taller  nas aulas como punto de inicio. Nesta ocasión  coa visita de María Caride e Ángela  quenes con grandes  doses de entusiasmo e  unha  ollada  moi positiva  fixeron reflexionar  ao alumnado de 1º e 2º de ESO  sobre Que significa ser activista?.

A través dunha dinámica os rapaces e rapazas analizaron as problemáticas que afectan a milleiros de persoas no noso planeta, e foron quen de idear solucións para erradicalas.