No marco da conmemoración do Día Internacional da Muller, o noso colexio levou a cabo unha significativa actividade que involucrou a todo o alumnado na creación de muráis colaborativos e unha exposición de libros, co obxectivo de visibilizar e honrar a mulleres e colectivos femininos que deixaron unha pegada indeleble na historia e na sociedade.
"Tecendo ideas": Unha viaxe de investigación e descubrimento
A actividade central consistiu nunha labor de investigación por parte de cada grupo-clase. O alumnado tivo a tarefa de seleccionar unha muller ou un colectivo de mulleres relevante, afondando na súa vida, logros e contribucións. Para garantir unha estética unificada e facilitar a recollida de información, facilitouse unha ficha-modelo que os grupos cubriron cos seguintes apartados:
1 Nome: Da muller ou do colectivo escollido.
2 O seu "fío" principal: O seu gran logro ou a súa maior aportación á sociedade (aquilo que a define).
3 A súa historia: Unha breve explicación da súa vida ou legado.
4 Imaxe: Fotografía ou ilustración representativa.
Esta iniciativa non só fomentou a investigación e o coñecemento sobre figuras femininas inspiradoras, senón que reforzou a importancia de desentrañar as historias e os legados que nos preceden.
As nosas mulleres importantes: A achega de Educación Infantil
As máis pequenas e pequenos do noso centro, o alumnado de Educación Infantil, tamén quixeron sumarse a esta conmemoración do 8M dun xeito moi especial e persoal. A través de debuxos cheos de cor e espontaneidade, renderon homenaxe ás mulleres máis importantes nas súas vidas: nais, irmás, tías e mesmo as súas propias mestras foron as protagonistas destas creacións que reflicten o amor e a admiración que senten por elas. Estes debuxos, que adornan os nosos corredores, son un fermoso recordatorio da importancia das figuras femininas no día a día dos nosos nenos e nenas.
.jpeg)
Unha exposición que invita á lectura
Complementando a actividade do mural, organizouse unha exposición de libros. Esta mostra, ofreceu ao alumnado e á comunidade educativa unha oportunidade para explorar obras que abordan a temática do 8M, profundar no feminismo, e descubrir novas perspectivas sobre o papel da muller na sociedade.
.jpeg)
Desde o colexio, queremos agradecer a implicación e o entusiasmo de todo o alumnado e do profesorado nesta iniciativa, que sen dúbida contribuíu a unha conmemoración do 8M chea de significado, aprendizaxe e inspiración.
