4RR454ND0 C045 M473M471C45 N0 CP1 45 M1R4ND45 (ARRASANDO COAS MATEMÁTICAS NO CPI AS MIRANDAS)

AGAPEMA (Asociación Galega do Profesorado de Educación Matemática) e a APM (Asociación do Profesorado de Matemáticas de Portugal) convocaron a quinta edición de “Matemáticas na Raia”, un concurso de resolución de problemas dirixido ao alumnado de 3º da ESO (9º ano en Portugal) no que o noso alumnado de Matemáticas Académicas de 3º participou o 5 de marzo. Trátase dun concurso que fomenta o traballo colaborativo, pois os grupos equipos son grupos-clase completos. 

O noso alumnado de 3º estivo preparándose con varios simulacros e puxeron moita ilusión e miolos para resolver os cinco problemas cós que a organización os retou.  Este grupo de 15 rapazas e rapaces estivo moi ben organizado repartíndose o traballo durante a hora e media que durou a proba. Ese reconto de triángulos levounos ao límite pero entregaron a tempo as solucións... As vixilancias fanas profesorado que non imparte clase no centro que vai vixiar, así que este ano Sindo, profesor do IES Fragas Do Eume estivo no CPI As Mirandas, e Belén no IES Fragas Do Eume. O alumnado quere dar as grazas a Sindo polas súas palabras de tranquilidade e pola súa cercanía, e tamén moitas grazas pola acollida no Fragas Do Eume.  
Este ano a publicación dos gañadores retrasouse pola situación provocada pola pandemia pero por fin xa o sabemos... e o noso equipo de 3º Académicas proclamouse gañador desta edición. Noraboa a todas as rapazas e rapaces polo ben que o fixeron!!!!!  Non poderán desfrutar do premio de pasar unha fin de semana nunha cidade do norte de Portugal pola situación que estamos a atravesar pero deben estar moi orgullosos por todo o que fixeron, e saber que a vida porá nos seus camiños moitas oportunidades de xogar coas Matemáticas. Esperamos xa con moitas ganas a VI Edición de Matemáticas Na Raia.

PARABÉNS AO ALUMNADO DE 4º DE ESO E AS SÚAS PROFESORAS DE MATEMÁTICAS

RETO BIGDATA, a oportunidade de participar nun Datatón e viaxar a Silicon Valley.

A comunidade educativa do CPI As Mirandas de Ares quere transmitir os seus parabéns aos dous equipos de alumnado de 4º de ESO e a súas profesoras de matemáticas, Mª Belén Morón e Cristina Sande finalistas do Reto BIG DATA organizado pola Obra Social de La Caixa.

Dous grupos formados por 8 alumnos de 4º da ESO do CPI As Mirandas, están entre os finalistas nacionais do Reto Big Data: a intelixencia dos datos, un programa realizado pola Obra Social de "La Caixa" para contribuír ao desenvolvemento da capacidade dixital do alumnado e promover unha actitude crítica e realista cara as tecnoloxías.

O reto desta edición foi redactar unha noticia que, baseada na análise de datos concretos,  desenvolvera un enfoque e reflexionara sobre cómo avanzar na consecución do 12º Obxectivo de Desarrollo Sostible relacionado co consumo e a produción sostibles.

Con dúas novas, desenvolvidas ó redor do Obxectivo de Desenvolvemento Sostible “Consumo e Producción Sostible”: "Cociñar para tirar" e “Desfeitos electrónicos: o noso futuro en xogo” describen como a tecnoloxía e o Big Data poden axudar a lograr uns hábitos de consumo máis sostible.

En Galicia foron seleccionados tres centros finalistas, o noso centro por partida dobre, xa que foron finalistas os dous proxectos dirixidos polas nosas compañeiras Belén Morón e Cristina Sande (profesoras de matemáticas).

Debido ao estado de alarma e seguindo as recomendacións gubernamentais cancelouse a actividade presencial(participación nun Datatón en Barcelona e a Viaxe formativa a Silicon Valley) pero no vindeiro mes de maio participarán nun Datatón (resolver un reto partindo da análise e o tratamento de datos coa axuda de profesionais deste ámbito coa oportunidade de reunirse cos xóvenes doutras cidades e colexios desenvolvendo as súas competencias dixitais nun entorno divertido e diferente), que debido ás circunstancias será nun formato Campus Virtual, pero que sen dúbida aproveitarán e disfrutarán.

 Noraboa de novo ás alumnas: Salma, María, Irune, Paula, Yaiza, Clara e Carolina, e ao alumno Lucas e ás profesoras Belén Morón e Cristina Sande que lideraron o proxecto.

ENTREGA DE PREMIOS DO III CONCURSO DE FOTOGRAFÍA XUVENIL CONCELLO DE ARES

 Esta tarde na Biblioteca do Concello,  Alma Barrón (concelleira de cultura)  e  Manuel Pueyo (fotógrafo) fixeron entrega dos premios da Terceira Edición do  Concurso de Fotografía Xuvenil Concello de Ares. A verdade é que os membros do xurado tivérono moi difícil debido á calidade dos traballos presentados. 

As fotografías dos rapaces e rapazas gañadores son as que ilustran o calendario do Concello para este próximo ano 2020,  e que foi presentado neste acto.

Os gañadores foron:

Adrián Fonte, Álvaro Díaz, Ana Varela, Celtia Balado, Jessica Criado, Isabel Iglesias e Rocío Anca.

     Desde o CPI As Mirandas queremos dar os nosos parabéns a todxs xs participantes.

II CONCURSO DE FOTOGRAFÍA XUVENIL CONCELLO DE ARES

ANIMÁDEVOS A PARTICIPAR!!!!!! 

 O Concello de Ares a través da súa concellería de cultura e da OMIX de Ares organiza o

II Concurso de Fotografía Xuvenil do noso concello, do que sairán as  fotografías que se incorporarán ao calendario municipal do ano 2019 que se distribúe entre toda a veciñanza e comarca.

O obxectivo deste concurso é convidar á xuventude a utilizar a nosa contorna como contexto onde recoñecer a súa herdanza a través das imaxes, despertanto  a capacidade de observar todo o que lles rodea e recoñecerse en pequenas historias e/ou paisaxes que dean conta do seu vencellamento como memoria colectiva desta vila. En concreto, invítase a fotografiar espazos, lugares, obxectos, actos e situacións da nosa contorna que consideren parte da súa identidade.

Quen pode participar?: Xente nova de 8 a 18 anos empadroada en Ares.

Cómo participar?:  

Poderanse enviar un máximo de dúas fotografías en formato dixital e sen retocar ao enderezo electrónico: concursofotografia@concellodeares.com. Xunto ás fotografías remitirase o formulario de solicitude de participación e de identificación das fotografías cubertos, asinados e escaneados.

Prazo de entrega:  Dende o  1 de outubro ata o 31 de outubro ás 19:30h ( ambos inclusive)

Premios:

 a.- As fotografías gañadoras  pasarán a formar parte do calendario do Concello para o ano 2019 que se reparte por todo o municipio, identificando aos autores daquelas.

 b.- Categoría A : 50 €  Categoría B : lote de libros

ANIMÁDEVOS A PARTICIPAR!!!!!!

                      De tódolos xeitos aquí deixamos as bases completas do concurso.

BASES DO CONCURSO

Bases concurso Fotografía Concello de Ares de Yolanda Castro

III CONCURSO DE FOTOGRAFÍA "GALICIA, AUGA E LITERATURA" DO PROGRAMA PRENSA-ESCOLA DA VOZ

Concurso de fotografía auga e literatura de Yolanda Castro

II CONCURSO DE FOTOGRAFÍA "GALICIA, AUGA E LITERATURA"

Convócase o II Concurso de Fotografía "Galicia, Auga e Literatura", patrocinado por Viaqua.

Podedes participar cos vosos alumnos enviando os traballos ata o próximo 10 de maio ao seguinte enderezo:

II Concurso de Fotografía “Galicia, Auga e Literatura”

La Voz de Galicia

Departamento de Marketing

Polígono Industrial de Sabón

Avenida da Prensa, 84 – 85 15143 Arteixo (A Coruña)

O que se busca con este concurso é achegar a literatura galega aos escolares de Educación Primaria e Secundaria a través da auga; á vez que se conciencia sobre os usos e beneficios desta.

E como se consegue isto?. Os alumnos deberán elixir un poema ou verso determinado nos que a auga estea presente e ilustralo cunha fotografía. A creatividade e orixinalidade á hora de plasmar nunha fotografía a importancia do coidado do medio ambiente e a auga como recurso escaso, terán a súa recompensa. En concreto, o primeiro e segundo premio para os escolares de cada categoría será unha Tablet Nevir LCD 8" e unha Cámara Dixital Nikon, respectivamente. Os profesores, pola súa banda, serán galardoados cunha estancia dunha noite para dúas persoas en OCA Augas Santas (Pantón - Ourense).

Se tes calquera dúbida, xa podes consultar as bases do concuso que tes acontinuación:

Bases concurso gal from Yolanda Castro

DILLO A QUEN MALTRATA 2015

CONCURSO TUITS CONTRA A VIOLENCIA DE XÉNERO

ROSALÍA SEMPRE VIVA

Coa finalidade de conmemorar o aniversario de Rosalía de Castro, a nosa escritora máis universal, a Fundación Manuel María lanza o concurso escolar de recitado de poesía "Rosalía sempre viva", dirixido a todo o alumnado do ensino non universitario de Galiza. Se premedes na imaxe inferior poderedes acceder directamente á web da Fundación Manuel María para consultar as bases do concurso.

ENTREGA DE PREMIOS DOS CONCURSOS DE PORTADA DE LIBROS E "O PREGUNTÓN"

Hoxe entregamos os premios dos Concursos de Portada de Libros e O preguntón. Felicidades a todos os premiados e  participantes.E  xa sabedes... esperámovos na próxima edición o vindeiro curso.


                          

GAÑADORES DO CONCURSO DE EDUCABARRIÉ "XEOMETRÍA DA NATUREZA"

O noso alumnado de 3ºB e 4ºA e B acadaron (xunto co Colexio Martín Códax) o premio do Concurso “Xeometría da Natureza”, que consistía en analizar dúas fotos proporcionadas pola organización, atopando nelas patróns xeométricos e matemáticos, para despois plantexar hipóteses biolóxicas deses patróns. Foi un traballo en equipo cunha primeira etapa de visualización de vídeos sobre a presenza das matemáticas na natureza, para logo facer debates sobre os patróns atopados e as hipóteses das devanditas fotos. O alumnado participou de xeito moi activo e fixo un bo traballo. Parabéns a eles e as súas profes!!!!!

De lirio matemático 

Coa casa ao lombo 

FALLADOS OS PREMIOS DO III CERTAME DE FOTOGRAFÍA ORGANIZADO POLA ANPA E O CPI CONDE DE FENOSA

O xurado do certame de fotografía elixíu a fotografía gañadora desta III Edición do concurso que foi a realizada pola alumna de 3º ESO Silvia García. A verdade é que os membros do xurado tivérono moi difícil debido á calidade dos traballos presentados. 

Desde aquí queremos dar a en hora boa á gañadora e a todas e todos os participantes. Se queredes votarlle unha ollada ás fotografías presentadas ao certame premede no seguinte enlace:III CERTAME DE FOTOGRAFÍA

Fotografía gañadora

PREMIOS CANGURO MATEMÁTICO

Os gañadores da edición do "Canguro Matemático 2012", a nivel do noso centro, CPI Conde de Fenosa" foron:

• Bran Rodríguez Sampedro (3º ESO B)


• Julián Sixto Sánchez (3º ESO B)

O concurso tivo lugar o día 15 de marzo e consistíu na realización dunha proba tipo test de 30 cuestións matemáticas por niveis.
Participaron 46 alumnos/as de todo o centro, dos que obtiveron a máxima puntuación Bran e Julián, que foron obsequiados cun lote de libros cada un.

 Noraboa aos gañadores e tamén a todos os participantes, e que sigades tendo tanta interese e curiosidade polas matemáticas!.

Bran e Julián xunto á profe de matemáticas María

PREMIO "CONCURSO DE ELABORACIÓN DO XORNAL DE GALICIA"

Os alumnnos/as de 3º ESO A: Laura Ordóñez García, Roberto Rivas Couce e Miguel Rodríguez Castro gañaron o concurso da Fundación Barrié que consistíu en reproducir e crear unha serie de artigos periodísticos de "O Xornal Galicia". Como tod@s sabedes xa,  Valentín Paz Andrade, autor homenaxeado este ano no Día das Letras Galegas, foi director do mesmo desde ano 1922 ata o 1926.

Roberto Rivas Couce foi premiado por unha crónica periodística e Laura Ordóñez García e Miguel Rodríguez Castro por unha editorial do xornal. 

De parte da Comunidade Educativa, os nosos parabéns a todos eles.

 Os nos@s premiados xunto con Xoan, o seu profesor de galego.

O CPI "CONDE DE FENOSA" GAÑADOR PROVINCIAL DO 28 CONCURSO ESCOLAR DA ONCE

Como ven sendo habitual a ONCE convocou o 28 Concurso Escolar co lema de "Fai o teu barrio accesible". Os nosos alumn@s puxéronse no lugar das persoas que teñen problemas para ver, escoitar, para camiñar... analizaron o noso contorno  desde unha nova perspectiva, a de aquelas persoas que viven con algún tipo de discapacidade. E así, uns elaboraron fotoreportaxes e outros vídeos para denunciar que tod@s temos os mesmos dereitos, que os nosos barrios deben ter accesibilidade para que todo o mundo poida moverse por eles e que os barrios e as cidades teñen que ser accesibles para tod@s.

 O xurado despois de deliberar considerou que a vídeo-reportaxe gañadora na fase provincial fose a realizada polo grupo de 2º da ESO composto pol@s alumn@s: Judith Rouco Filgueiras, Antonio Lemos Margaretto, Laura Pita Sánchez, Lucía Rodríguez Buyo, Felipe Oltra Crespo, Daniel Domínguez Leira y Ainhoa Somorrostro Fernández. En hora boa a todos e todas. Aquí vos deixamos o vídeo gañador.

                    

GAÑADORES NO XX RALLYE MATEMÁTICO

Os gañadores da vixésima edición do “Rallye Matemático sen Fronteiras”, organizado por AGAPEMA (Asociación Galega de Profesores de Matemáticas), son 13 alumnos de 3° de ESO do Centro Público Integrado “Conde de Fenosa” de Ares.

Os 13 estudantes de 3° ESO-B do CPI Conde de Fenosa foron os gañadores do xa tradicional Rallye Matemático celebrado en Galicia e norte de Portugal.

A proba realizouse o pasado 19 de marzo e consistía en resolver de forma grupal durante 1 hora seis problemas matemáticos. O galardón o compartirán cun grupo de 4º ESO do CPI de Zas.

Como recompensa, a organización concederalles unha dotación económica de 3.000 euros doados pola Consellería de Educación e Educa Barrié para sufragar os gastos da viaxe a Toulouse, en Francia, onde se celebrará,o próximo 1 de xuño, a gran final, na que competirán contra estudantes doutros países. Con esta actividade Agapema pretende favorecer o traballo en equipo entre os estudantes de Secundaria, revalorizar a imaxinación e a creatividade destes xóvenes e facer vivir as matemáticas a través de situación orixinais. 

En horaboa a tod@s e a súa profesora María Segura Torres.

ENTREGA DE PREMIOS " I SEMANA PROBLEMÁTICA"

Hoxe, 16 de febreiro, o Departamento de Matemáticas da ESO realizou a entrega de premios do concurso I Semana Problemática (30 xaneiro ao 3 de febreiro) coa prezenza da Directora do centro Blanca Cortizas.

A participación foi un éxito (96 alumnos) que aportaron respostas e un gran número delas correctas.

Os 5 gañadores foron:

• Roberto Rivas Couce de 3º ESO A
• Carlos Bello Pita de 2º ESO B
• Julián Sixto Sánchez de 3º ESO B
• Marcelo Couce Barbeito de 3º ESO B e
• Silvia Rodríguez Rodríguez de 3º ESO DC

AIDA FORMOSO RECIBE O PREMIO DA FUNDACIÓN BARRIÉ

A nosa alumna Aida Formoso (2º ESO) recibíu onte o Premio que a acredita como gañadora do "Preguntoiro Científico", organizado pola Fundación Barrié de la Maza.

En hora boa, Aida, de toda a comunidade educativa.

GAÑADORA DA PRIMEIRA EDICIÓN DO PREGUNTOIRO CIENTÍFICO

 Despois dunha longa deliberación,  o comité avaliador do  "O Preguntorio Científico" xa elexiu a mellor  resposta á pregunta sobre a primeira personaxe misteriosa do  concurso en rede de educaBarrié.

Tratábase de  Antoine Lavoisier o creador da Química moderna co que se quixo despedir o Ano Internacional da Química.

Pola súa capacidade de argumentación, a correción na escrita e a rapidez na resposta,  Aida Formoso Sánchez alumna de  2º da ESO do C.P.I. Conde de Fenosa en Ares, converteuse na primeira alumna gañadora do concurso.

Desde educaBarrié,  próximamente un reporteiro gráfico se acercará até o centro para plasmar nunha imaxe o momento en que se lle fai entrega a Aida do seu  ben merecido  premio: un xogo de experimentación científico co que pode seguir a senda de Lavoisier.

Desde o noso centro damos  os nosos parabéns a Aida e ao profe Xacobo de Toro pola súa gran labor docente e por motivar e animar ao alumnado a adquirir a capacidade de  "aprender a aprender".

CONCURSO DE PRESENTACIÓNS ELECTRÓNICAS PARA FELICITAR O NADAL

A Secretaría Xeral de Política Lingüística convoca un concurso de presentacións electrónicas para felicitar o Nadal en lingua galega. Logo da ampla participación acadada na primeira edición da iniciativa, con máis dun cento de propostas recibidas, a secretaría xeral pon de novo en marcha este concurso, co que busca promover a presenza do galego na comunicación propia das festas de Nadal e tamén no ámbito das tecnoloxías.

Os traballos que participen no concurso deben facer referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral. Ademais do tema, valorarase o enxeño e o coidado estético e lingüístico das propostas.

Aquí vos deixamos as bases.

Bases concurso presentelect_2011

View more documents from satelite1