IV CONCURSO DE RELATO CURTO CONCELLO DE ARES

A alumna Verónica Rodríguez Martínez Gañadora do 1º Concurso de Relato Curto "Música, Lingua e Valores"

No 1º Concurso de Relato Curto "Música, lingua e Valores" que organiza a  Asociación Nacional de Directores de Banda, a través da Banda Sinfónica Infantil e Xuvenil de Galicia,  foi premiada á nosa alumna Verónica Rodríguez (3º ESO). O xurado decidiu por unanimidade, outorgar o premio ao relato "ELA", pola transmisión de valores, musicalidade do texto, reivindicación da liberdade e a amalgama de sentimentos que reflicte. O premio do concurso, consiste na musicalización e edición do relato en versión Narrador + Banda Sinfónica; sendo estreado este verán pola Banda Sinfónica Xuvenil de Galicia.                            

                                                                  
                                                      PARABENS, VERÓNICA!!!!

O premio é especial e innovador: A organización encargará a un recoñecido compositor galego a musicalización do relato no formato “Narrador e Banda Sinfónica”. A partitura (máis o texto) editarase e será estreada pola Banda Sinfónica Xuvenil de Galicia na súa vindeira xira 2007, no mes de agosto. Ó/Á gañador/a convidarase a participar nos ensaios e concerto de presentación da obra; no que se lle fará entrega dun diploma así como de exemplares editados da mesma. A composición distribuirase para que poida ser interpretada por todas as bandas de Galicia.

TRABALLOS DO OBRADOIRO DE ARTES ESCÉNICAS. O NADAL EN SUECIA E PERÚ

Presentamos todo o traballo realizado durante o trimestre sobre o nadal, tanto en Suecia como en Perú. Os rapaces de 1º ESO prepararon uns excelentes decorados para as nosas recreacións,así como as presentacións das costumes e tradicións de cada país. Os rapaces de 2º ESO recrearon e interpretaron a canción do día de Santa Lucía en Suecia, e a canción tradicional peruana Festejo de Navidad.

O traballo foi desenvolvido no obradoiro de artes escénicas e comunicación oral, que como sabedes é unha colaboración dos departamentos de plástica e música.

BOOKTRAILERS

Este curso, dentro do plan de formación do profesorado no centro, realizamos un curso sobre o  Booktrailer como estratexia de animación á lectura. Un booktrailer no contexto escolar consiste na elaboración de publicidade en formato audiovisual a partir da lectura previa dun libro para promover a lectura do mesmo. O vídeo elaborado polos alumn@s terá a finalidade de convencer aos iguais de que vale a pena ler o libro en cuestión.

Aquí tedes  algúns dos booktrailers que realizamos no curso. Esperamos que vos motiven cara a lectura e animámosvos a que creedes os vosos  booktrailers.

OS ESCORNABOTS CHEGAN AO COLE

Hoxe, inauguramos unha nova actividade  na biblioteca, "Os Escornabots".
 Escornabot é un proxecto de código/hardware aberto, o seu obxetivo é acercar a robótica e a programación aos nenos e nenas.
O Escornabot pode programarse con botóns para executar secuencias de movemento, a partir de aquí a imaxinación é o único límite nas posibilidades.

HOMENAXE AS MULLERES DESDE O CPI AS MIRANDAS

Todos os días semellan iguais mais este 8 de marzo o queremos celebrar dun xeito especial, lembrándolle á sociedade que tod@s temos que asegurarnos de que as mulleres participen plenamente e gocen da igualdade en todos os ámbitos da vida.

Velaí vai este recoñecemento a todas as mulleres e o noso desexo dun mellor futuro para todas. Grazas, avoas, nais, fillas, irmáns, amigas e mulleres todas por saber  escribir a historia con tinta indeleble e por deixar a vosa pegada  nas nosas vidas. 

          

DÍA DE ENTROIDO NO CPIA AS MIRANDAS

Colorido, desfiles, bailes e moita alegría é o que viviu o noso cole na celebración do Entroido 2017, neste fantástico venres no que o sol e o bo tempo, nos acompañou.  Tomando como eixo  o proxecto “De Ares cara ao mundo” os nenos e nenas desfilaron con traxes que nos recordaron a Australia, Portugal, China, Inglaterra, Marrocos, Brasil, Italia, Ucraina….

A verdade é que hai que dar as grazas a todo o profesorado e, por suposto ao alumnado, por todo o traballo e implicación nesta xornada. Non soamente se apreciaba toda unha labor de semanas na elaboración dos disfraces , senón tamén nas coreografías e representacións que os alumnos/as dos diferentes cursos da ESO levaron a termo .

A xornada rematou coa degustación dos doces típicos do entroido:orellas, freixos, rosquillas.... Unha xornada estupenda. En hora boa a todos, e aquí vos deixamos un pequeno vídeo  desta data.

DÍA DE ROSALÍA NO CPI AS MIRANDAS

Desde o século XIX Rosalía de Castro foi homenaxeada polo pobo galego como a escritora máis representativa da lingua e da literatura galegas, pois asumiu a voz do seu pobo, voz que guiou permanentemente a súa obra e o seu pensamento. Esta comunicación e entendemento permanente coa xente, ao se dirixir a ela no seu idioma propio, foi o que a fixo tamén poeta de todos os pobos, chegando a formar parte da nómina de escritoras máis destacadas da literatura universal de todos os tempos. No noso centro, asumindo a proposta da Asociación de Escritoras e Escritores en Lingua Galega (AELG, ) alumnos/as e profes quixemos conmemorar un ano máis o Día de Rosalía de Castro realizando un Mannequin Challenge baixo o lema #RosalíaTe.

 Aquí vos deixamos o noso traballo.  FELIZ DÍA DE ROSALÍA! 

O RASTRO QUE DEIXAMOS: O NOSO COLE NA HOMENAXE A AGUSTÍN FERNÁNDEZ PAZ

Hoxe os rapaces e rapazas de 2º ESO asistiron no Auditorio de Ferrol ao acto no que os colexios da nosa bisbarra homenaxearon a figura de Agustín Fernández Paz. No noso cole contamos coa presenza do aresán Antonio Seijas que tivo o pracer de traballar co autor, posto que Antonio, baseándose na novela Cartas de inverno, publicou a exitosa novela gráfica do mesmo nome. Tamén os nosos alumnos/as fixeron unha pequeña escolma dalgunhas das obras de Fernández Paz.

 Aquí vos deixamosos vídeos .

DÍA DE ROSALÍA 2017

Día de Rosalía 2017 de Yolanda Castro

OBRADOIRO CARTAS DE AMOR

Onte tivo lugar un obradoiro promovido pola Secretaría Xeral de Igualdade e impartido por Isabel Serrato Azat. O obradoiro tivo como finalidade abordar temáticas dende un punto de vista educativo e previr así actitudes machistas, e situacións de violencia na adolescencia. Entre os contidos a tratar estiveron presentes: as diferencias de xénero, a idea do amor romántico, as relacións de parella, a linguaxe, etc… Este obradoiro que ten as  ilustracións da exposición “Cartas de Amor”como eixe, desenvolveu a través de diferentes dinámicas participativas, os temas  citados anteriormente.

O alumnado de 1º ESO realizou tamén unha visita guiada a exposición que se encontra exposta na Casa da Xuventude do noso concello.

MATERIAIS PARA TRABALLAR

• Recursos didácticos (premer)
• Película "Concepción Arenal, a visitadora de cárceres".
• Emilia Pardo Bazán. Contos de amor. "El encaje roto"
• Sobre mulleres lingüistas
• 
  

Aportacións das mulleres de Yolanda Castro