CONCURSO CARTEIS 8M: DÍA INTERNACIONAL DA MULLER

 

Co gallo do  8M, Día da Muller  os Equipos de Polos Creativos e Dinamización Lingüística convocan un  Concurso de Carteis aberto a toda a comunidade educativa para conmemorar esta data.

BASES

1.- Dirixido a: Todo o alumnado e profesorado do CPI As Mirandas.

2.- Tema: O concurso ten por obxecto a creación dun deseño gráfico  que deberá incluír obrigatoriamente a frase “8 de marzo. Día Internacional da Muller” e o nome do noso centro CPI As Mirandas.

3.- Se nos deseños vai escrita algunha frase ou eslogan estes deberán  presentarse en lingua galega e coidarán a calidade lingüística do produto final.

3.- Establécense as seguintes categorías de participación:

 • 1ª Categoría.- Alumnado de infantil e primaria.

 • 2ª Categoría.- Alumnado  de educación secundaria obrigatoria (ESO)

 • 3ª Categoría.- Profesorado do centro.

6.- Data e lugar de entrega: A data de entrega remata o 8 de marzo, Día da muller,  e os traballos se enviarán ao coordinador de Polos Creativos Fran Manteiga ou a Yoli do EDLG.

Correo EDLG: tesmoitalingua@gmail.com

7.-Premios: Outorgarase un premio para cada unha das categorías. O gañador ou gañadora. recibirá unha camiseta serigrafiada co seu cartel gañador.

Con todos os traballos presentados farase unha exposición no centro así como a presentación dos mesmos a través dos blogs do EDLG e da Biblioteca e redes sociais.

ENTROIDO NO CPI AS MIRANDAS

 Este ano, a temática do noso Entroido centrouse no fascinante mundo animal, e que mellor forma de celebralo que cun día soleado que nos acompañou durante toda a xornada! As rúas da nosa vila convertéronse nun auténtico universo animal, onde cada un de nós se transformou na súa especie favorita, lucindo uns disfraces marabillosos que deixaron a todos coa boca aberta.

Desde primeiras horas da mañá, a emoción estaba no aire. Xirafas de pescozo longo, tartarugas lentas e sabias, e coloridos paxaros que parecían saídos dun conto de fadas desfilaron xuntos, creando un espectáculo visual que encheu de alegría a todos os que se achegaron a vernos. Non podían faltar os adorables osos panda, os calamares da ría de Ares, as abellas traballadoras que non paraban de zumbir e as volvoretas que danzaban ao son da música, as moscas con ollos xigantes  e,  por suposto os animais de Madagascar que nos fixeron rir a todos os presentes. O desfile foi un auténtico festín de cor e alegría, onde cada un de nós se sentiu parte dun gran ecosistema.

Ao finalizar a xornada reunímonos para degustar os deliciosos doces de Entroido, que souberon a gloria entre risas, música e bailes.

Grazas a todos os que participaron e fixeron posible esta celebración tan especial. ¡Ata o próximo Entroido!

ACTO NO DÍA DE ROSALÍA DE CASTRO. CPI AS MIRANDAS

Este ano conmemoramos o Día de Rosalía de Castro cun acto cheo de emoción e homenaxe á nosa gran poeta. Os rapaces e rapazas de 1º de ESO foron os encargados de presentar esta celebración, que comezou cunha pequena alborada que nos transportou á esencia da obra de Rosalía.

A iniciativa principal do acto estivo inspirada no famoso poema “Miña casiña, meu lar”, onde a poeta nos fala da importancia do fogar e da vida cotiá, así como da arte de preparar un caldo humilde, símbolo da supervivencia e da tradición. 

Sofía, alumna de 4º de ESO, xunto a Oliver, o noso profesor de música, ofreceron unha interpretación conmovedora deste poema, que deixou a todos os asistentes gratamente sorprendidos. A  voz de Sofía e a música crearon un ambiente máxico que nos fixo sentir a profundidade das palabras de Rosalía.

Despois da interpretación, a nosa mini banda deleitounos cun pequeno concerto. As melodías que interpretaron foron un verdadeiro agasallo para os oídos, e todos os presentes non puideron evitar deixarse levar pola música.

Para rematar o acto, todos os asistentes tiveron a oportunidade de degustar un delicioso caldo, que, como ben dicía Rosalía, nos soubo a gloria. Este momento de compartir e gozar xuntos foi a guinda do pastel a unha celebración que nos recordou a importancia da nosa cultura e das nosas raíces.

Agradecemos a todos e todas as que participaron e fixeron posible este acto tan significativo.

-As cociñeiras do cole por prepararnos ese  caldo de gloria tan rico.

-Ao noso bedel Alberto, que sempre pon ao noso servizo ese don de debuxante que posúe e nos axuda na elaboración dos nosos murais.

-A toda a rapazada,  profesorado  e dirección do centro pola súa implicación.

¡Viva Rosalía!

Aquí vos deixamos un vídeo resumo do acto

ROSALIA FEMINISTA. DONAS DE SI

CANTAMOS A ROSALÍA DE CASTRO

 No colexio das Mirandas, queremos render unha homenaxe moi especial a Rosalía de Castro, a nosa poetisa máis universal. Para conmemorar a súa data, o 23 de febreiro, realizamos unha actividade creativa na que os alumnos e alumnas tivemos a oportunidade de escribir letras inspiradas nela.

O máis emocionante foi que, coa axuda da intelixencia artificial, as nosas letras cobraron vida e convertéronse en fermosas cancións. Foi unha experiencia máxica ver como as nosas palabras se transformaban en cancións, permitindo que a esencia da poesía de Rosalía resoase de novas maneiras e diferentes estilos musicais.

A actividade non só nos permitiu render tributo a esta gran figura da literatura galega, senón que tamén fomentou a nosa creatividade. Sentímonos moi orgullosos de poder compartir as nosas composicións e celebrar a riqueza da nosa lingua e cultura. Sen dúbida é un xeito de conectar co legado de Rosalía de Castro!

tesmoitalingua galego · A voz de Rosalía resoa.

 

tesmoitalingua galego · A Rosalía de Castro

 

tesmoitalingua galego · Cantamos a Rosalía

 

tesmoitalingua galego · LEMBRAMOS A ROSALÍA

 

tesmoitalingua galego · CALDO DE GLORIA

tesmoitalingua galego · Sempre Rosalía

tesmoitalingua galego · ROSALÍA SEN MEDO (2)

tesmoitalingua galego · Reivindicación dunha poetisa

tesmoitalingua galego · Rosalía, a nosa inspiración

ROSALÍA DE CASTRO. A SÚA VIDA

RECURSOS PARA O ENTROIDO

 A chegada do Entroido está á volta da esquina, e con el, un tempo cheo de diversión, cor, e imaxinación! É a época perfecta para deixar voar a nosa creatividade e gozar de momentos inesquecibles xuntos.

Para que poidades coñecer mellor esta festividade tan especial, enviamos unha serie de recursos que podedes utilizar nas vosas aulas. Desde actividades lúdicas ata información sobre as tradicións do Entroido.

Non perdades a oportunidade de mergullarvos nesta festa tan máxica. Animádevos a explorar os enlaces que compartimos e a preparar un Entroido cheo de risas e sorpresas!

 

ENLACES PARA TRABALLAR O ENTROIDO

BRINCALETRAS-ENTROIDO EN GALICIA

AQUI ATOPAREMOS UNHAS CARETAS

 ORIXES E RITOS DO ENTROIDO

OS PERSONAXES DO ENTROIDO GALEGO

PREPARÁNDONOS PARA O DÍA DE ROSALÍA

 

Este ano queremos render un fermoso tributo á nosa querida Rosalía de Castro, poetisa universal e símbolo da nosa cultura galega, a través dun mural que adorna a entrada do noso centro. O mural, que destaca pola súa cor e creatividade, non só presenta unha imaxe da autora, senón que tamén está acompañado de varios poemas que capturan a esencia da súa obra.

Cada verso escrito no mural é un recordatorio do seu legado literario e da importancia da súa voz na historia da literatura galega. A combinación da arte visual coas palabras poéticas crea un espazo inspirador que invita a todos a reflexionar sobre a riqueza da nosa lingua e cultura.

Ademais, creamos un espazo especial para as “Cartas a Rosalía”, onde os nenos, nenas  e rapazada do colexio poderán expresar os seus sentimentos e pensamentos sobre a poeta. Todos e todas terán a liberdade de compartir o que significa Rosalía para eles: desde dedicatorias e poemas ou debuxos ata reflexións sobre os problemas actuais do mundo, como podería reaccionar ela ante as inxustizas e os desafíos que enfrontamos hoxe en día.

Ao escribir as súas cartas, os nenos e nenas están a participar nun diálogo interxeracional, onde a voz de Rosalía se entrelaza coa súa, creando un vínculo que transcende o tempo.

Neste Día de Rosalía de Castro, o noso mural non é só un tributo á poeta, senón un reflexo da nosa identidade cultural e un chamamento á reflexión sobre o papel da poesía na sociedade actual. Animamos a toda a comunidade educativa a visitar o mural e compartir as súas propias palabras con Rosalía. A súa obra continúa viva, e a través das nosas voces, seguirá a inspirar as novas xeracións.

VISITA DE EXDEPUTADOS/AS DO PARLAMENTO DE GALICIA

 En febreiro un exdeputado e dúas exdeputadas, representantes de diferentes grupos políticos, visitáronnos para darnos unha charla sobre as súas experiencias ao longo da súa vida política. Recalcáronnos sobre todo a importancia tanto de votar como de involucrarse na política, xa que é a forma de decidir aos nosos representantes. Se nós non nos interesamos pola política, a política decidirá por nós varios aspectos da nosa vida.

 

SENTA CON NÓS

 

O Concello desprega a campaña ‘Senta con nós’, unha recollida de botellas de auga e tapóns para involucrar á comunidade educativa de Ares na sensibilización medioambiental

♻️ O concello de Ares e o CPI As Mirandas impulsan esta iniciativa que, aproveitando o plástico recollido, permitirá fabricar un banco e unha papeleira de material reciclado a instalar no propio centro escolar grazas á contribución da rapazada.

🚮 Estableceuse un punto único para a recollida no CPI As Mirandas e xa se están a repartir máis de 450 marcapáxinas a modo de flyers entre estudantado e veciñanza contextualizando a campaña.

🔷 ‘Recicla hoxe, séntate mañá’: así é o eslogan detrás da nova campaña do Concello de Ares que se desenvolverá nos próximos meses no CPI As Mirandas e que veñen de presentar esta mesma mañá Lucía Blanco, edila de Medioambiente, e Tino Seco, director do colexio aresán, nas propias instalacións educativas.

🔷 Baixo o nome ‘Senta con nós’, a rapazada poderá entregar as botellas de auga e tapóns no punto único instalado no centro educativo para que, tras a súa recollida, poidan transformarse nun banco e papeleiras feitas co material reciclado. 

🔷 O propio lema da campaña, co seu Recicla hoxe, séntate mañá, alude á divulgación dunhas pautas ecolóxicas básicas, pois unha acción no presente ten un impacto a medio-longo prazo no futuro en termos medioambientais, aínda que non o vexamos fisicamente no momento.

🔷 Nesta ocasión, o esforzo na reciclaxe da rapazada terá unha consecuencia na súa contorna, sentíndose parte directa e responsable da materialización dos futuros banco e papeleira, mais tamén da creación dun Ares máis sostible.

🔷 A maiores da recollida de botellas, a campaña Senta con nós inclúe material promocional, dende cartelería a máis de 450 marcapáxinas que incorporan a información da iniciativa de carácter medioambiental, repartida entre os e as estudantes do CPI As Mirandas.

 

11 DE FEBREIRO: DÍA INTERNACIONAL DA MULLER E A NENA NA CIENCIA

 No marco da celebración do Día Internacional da Muller e a Nena na Ciencia, que se celebra cada ano o 11 de febreiro, achegámosvos un enlace do Centro Singular de Investigación de Tecnoloxías Intelixentes (CITIUS) onde presenta dúas plataformas dedicadas a promover a visibilidade das mulleres no ámbito da ciencia e da tecnoloxía, así como a impulsar o acceso das nenas máis novas a ambos campos:

- A web "A informática e a vida" explora a historia da informática desde unha perspectiva igualitaria e de enfoque de xénero, poñendo en valor as aportacións de mulleres pioneiras no campo da computación. Nesta plataforma ofrécese un total de dez actividades para realizar nas aulas enfocadas a centros de educación primaria e secundaria.

  https://tec.citius.usc.es/ainformaticaeavida/

- A páxina "O uso do xogo e a arte para educar na enxeñaría desde a infancia" ofrece actividades interactivas e recursos educativos audiovisuais para fomentar o interese de nenas e nenos na ciencia, a tecnoloxía, a enxeñaría e as matemáticas (STEM). Estas actividades están dirixidas  a centros de educación infantil e primaria.

 https://obradoiro-11f.pages.citius.gal/

https://citius.gal/gl/news/news/eva-cernadas-citius-researcher-offers-a-new-edition-of-her-workshops-on-science-for-children/