Hoxe, no CPI As Mirandas unímonos para conmemorar o Día Internacional da Paz, lembrando a importancia de cultivar valores fundamentais para a convivencia no noso día a día.
Unha casa con cimentos de valores
Para esta data tan especial, o alumnado dos diferentes cursos realizou un
mural no que a metáfora dunha casa serviu para reflexionar sobre como se
edifica a concordia. Baixo o lema «Somos arquitectos da Paz», cada neno
e nena deseñou e coloreou un ladrillo no que escribiu unha palabra ou valor
esencial: amor, empatía, respecto, igualdade, escoitar, perdón, unión,
educación, axuda, agarimo, confianza, tolerancia e moitas máis.
Esta actividade serviu para recordar que a paz non é algo afastado, senón
unha estrutura que construímos entre todos e todas con pequenos xestos cotiáns.
A Bandeira da Paz xa ondea no noso
colexio
Ademais da creación do mural, vivimos un momento moi especial co izado
da Bandeira da Paz. Trátase dun agasallo moi significativo co que nos
honrou este ano D. Ángel Corbalán, Embaixador da Fundación
Internacional Mil Milenios de Paz. Esta bandeira ondea xa no noso centro
como símbolo permanente do noso compromiso co respecto, a concordia e a
solidariedade.
Pola convivencia, polo respecto e polo futuro: por un mundo en paz, sigamos loitando e construíndo a paz xuntos!
No hay comentarios:
Publicar un comentario