"O Nadal é moito máis que luces e agasallos; é o fío invisible que nos mantén unidos, sen importar a distancia.
Dende o CPI
As Mirandas de Ares, queremos compartir convosco esta pequena historia que
nace do corazón da nosa comunidade educativa. Porque, como veredes, un simple
xesto pode viaxar miles de quilómetros para abrazar a quen máis queremos.
Acompáñanos nesta viaxe de ilusión e agarimo. ¡Bo Nadal
a todos e todas!"
PINCHA NA IMAXE PARA VER O VÍDEO
"Dende o CPI As Mirandas entendemos que o coñecemento non vive en compartimentos estancos. Nesta xornada interxeracional, a música, a sabedoría dos maiores e a creatividade serviron como fío condutor para conectar a enerxía do noso alumnado coas raíces da nosa comunidade en Ares, demostrando que a aprendizaxe máis valiosa nace do intercambio humano."
Nestas datas tan especiais, o alumnado de 1º e 3º de ESO tivo a
sorte de vivir unha xornada inesquecible. Co espírito do Nadal nas maletas,
desprazámonos ata o Centro de Día do Concello de Ares para compartir o
noso tempo, música e ledicia cos nosos maiores.
Música para o corazón
A música foi o fío condutor da mañá. Comezamos cun momento moi especial grazas a Martina e Celtia, que ofreceron un mini concerto de frauta e clarinete, demostrando o seu talento. Despois, unimos as nosas voces para cantar panxoliñas tradicionais, pero o momento máis divertido chegou cando entoamos xuntos eses clásicos que os nosos maiores coñecen tan ben: Catro vellos mariñeiros, Clavelitos e, como non, A saia de Carolina.
Creatividade e agasallos con alma
Non todo foi música; tamén houbo espazo para a creación compartida nun obradoiro
de postais de Nadal. Traballando man a man, a rapazada e maiores
deseñamos felicitacións cheas de cor.
O colofón
artístico foi un mural conxunto onde cada un de nós, pequenos e maiores, deixou
a súa sinatura e os seus mellores desexos para o novo ano.
O momento do intercambio de agasallos estivo cargado de emoción. Os nosos
maiores, coas súas fermosas mans, agasalláronnos cunha postal e un precioso
adorno para o noso cole, un símbolo do seu agarimo e da súa sabedoría.
Nós, pola nosa banda, quixemos deixarlles unha Flor
de Pascua cunha mensaxe especial. Nacho foi o encargado de poñerlle voz
ao sentir de todo o colexio cunhas palabras que nos fixeron reflexionar sobre a
importancia das nosas raíces:
"Vós sodes as raíces fortes que nos suxeitan para que poidamos medrar
felices... cada un de vós é coma unha estrela brillante na árbore de Nadal da
nosa comunidade."
Unha xornada de intercambio
xeracional
Foi moito máis que unha visita escolar; foi un encontro cheo de agarimo,
saúde e paz. Voltamos ao colexio co corazón cheo, sabendo que compartir o
tempo é o mellor agasallo que podemos facer e recibir.
Grazas aos usuarios e traballadores do Centro de Día por acollernos con
tanto cariño. Sodes o noso mellor exemplo!
Unha marea de
solidariedade
Grazas ás vosas achegas,
conseguimos reunir unha gran cantidade de produtos que axudarán a
paliar as necesidades das persoas e familias que máis precisan do noso apoio
nestas datas tan sinaladas.
Dende o colexio queremos
expresar o noso máis profundo agradecemento a:
Un ano máis, a vosa axuda será o mellor agasallo para moitos fogares.
"Moita xente
pequena, en lugares pequenos, facendo cousas pequenas, pode cambiar o
mundo."
Esta luns, 15 de decembro, o noso centro viviu unha xornada de profunda reflexión e sensibilidade. O alumnado de 4º e 3º da ESO tiveron o privilexio de recibir aos participantes do proxecto #CruzaSenMirar, unha iniciativa de Tarabela Creativa que conta co apoio do Concello de Ares.
O
obxectivo desta actividade non era outro que tecer unha memoria emocional da
migración en Ares, buscando puntos de conexión entre as distintas xeracións
e realidades que conforman o noso municipio, fomentando así lazos de unión
entre colectivos.
👉Un diálogo entre xeracións e
culturas
A sesión
articulouse en torno a unha conversa aberta e sincera na que participaron:
Xuntos
dialogaron sobre un vínculo fundamental na nosa historia: a unión entre o migrante
retornado e quen chega hoxe
ao noso concello en busca dun lugar onde crecer, traballar e desenvolverse.
👉Unha lección de empatía
O máis
salientable da xornada foi a actitude do noso alumnado. Os mozos e mozas
mantiveron unha ollada atenta e unha escoita activa durante todo o
encontro, demostrando unha gran madurez e respecto polas historias de vida
compartidas.
Grazas a proxectos coma este, as aulas convértense en espazos de empatía onde comprendemos que, máis alá das fronteiras, todos buscamos o mesmo: un fogar e unha comunidade que nos acolla.
.jpg)
No CPI As Mirandas entendemos que a educación vai moito máis alá das
aulas e os libros; educar tamén significa formar cidadáns conscientes,
empáticos e comprometidos coa súa contorna. Por iso, un ano máis, convidámosvos
a participar na nosa Operación Quilo de Nadal.
Máis que unha axuda, un acto de solidariedade: Vivimos unha época na que diversas institucións seguen a demandar a colaboración de toda a sociedade para axudar ás persoas máis necesitadas.
Esta campaña é unha ocasión marabillosa para
aportar o noso "gran de area", pero tamén para reflexionar. A
verdadeira solidariedade non consiste só en dar, senón en compartir e
comprender a realidade de quen nos rodea. A vosa participación voluntaria
é o mellor exemplo para eles de que, con pequenos xestos individuais, podemos
construír unha comunidade máis humana.
Como colaborar?
·
Que
aportar: Calquera
alimento non perecedoiro.
·
Lugar
de entrega: As caixas
habilitadas no edificio de secundaria.
·
Data
límite: A recollida
rematará o 15 de decembro.
Agradecemos profundamente o voso
compromiso. A vosa colaboración non só serve para encher caixas de alimentos,
senón tamén para encher de valores o proceso educativo do noso alumnado.
Grazas pola vosa xenerosidade e
colaboración.
CPI AS MIRANDAS (ARES)
Hoxe 25 de novembro, o CPI As Mirandas converteuse nun espazo de compromiso
e solidariedade para conmemorar o Día Internacional para a Eliminación da
Violencia contra a Muller. Foi unha xornada de profunda implicación
comunitaria, na que o alumnado, profesorado e todo o persoal do centro unímonos
nunha soa voz para rexeitar esta lacra social.
👉Un Muro de Compromiso Violeta
O corazón da actividade foi a creación dun mural colectivo."Este mural demostra que a loita contra a violencia non é unha materia illada, senón un fío transversal que percorre todo o noso centro, conectando a música de SES, a palabra de Manu e Sofía e o compromiso manual de cada alumno e alumna."
A partir de
mans de papel de cor violeta, cada estudante do centro contribuíu co seu gran de
area. Nestas mans, plasmáronse palabras clave como Respecto, Igualdade, Apoio,
Liberdade, Empatía, Non, ou un desexo/compromiso persoal breve para pór fin á
violencia de xénero.
Este mural non é só unha obra de arte efémera, senón un testemuño tanxible
do compromiso da mocidade de As Mirandas. Representa a unión de vontades e a
firmeza da comunidade educativa na construción dun futuro libre de violencia. Tamén demostra que a loita contra a violencia non é unha materia illada, senón un fío transversal que percorre todo o noso centro, conectando a música de SES, a palabra de Manu e Sofía e o compromiso manual de cada alumno e alumna."
👉Voces que Inspiran
O acto central contou coa participación de Sofía e Manu (3º ESO), quen se
encargaron de ler un manifesto que articulou os principios da xornada,
lembrando ás vítimas e reafirmando a necesidade dun cambio social profundo. A
súa lectura, emotiva e firme, subliñou a importancia de manterse vixiantes e
activos na defensa dos dereitos das mulleres.
O evento concluíu coa interpretación da canción "Concordias
de papel" da cantautora galega SES. Esta elección non foi casual; Aila,
alumna de 2º ESO, subliñou que esta é unha canción que resoa coa forza da
resistencia e a autenticidade, un chamado á acción e á verdade, rexeitando as
solucións fáciles e as imposicións autoritarias. Un recordatorio de que a loita
contra a violencia require valentía e un compromiso inquebrantable coa xustiza.
A xornada do 25N no CPI As Mirandas non é só un recordatorio dun problema,
senón unha firme declaración de intencións: o compromiso coa igualdade e a
erradicación da violencia de xénero é un piar fundamental da nosa comunidade
educativa.
Este día subliña a necesidade crucial da educación como a única
ferramenta efectiva e duradeira para acabar con esta lacra. É nas aulas e na
familia onde se sementan os valores de respecto, empatía e igualdade, e onde se
desarraigan os estereotipos e roles de xénero que están na base de toda
violencia. Construír un futuro sen violencia non é unha utopía, senón un
traballo diario que comeza coa concienciación e o empoderamento das xeracións
futuras.
Grazas a todo o CPI As Mirandas por demostrar, un ano máis, que o cambio é
posible e que a loita contra a violencia de xénero require o compromiso de toda
a sociedade. Sigamos camiñando xuntos cara a unha igualdade real e efectiva.
.jpeg)
O venres 21 de novembro vivimos un momento moi especial coa entrega de premios do IX Concurso de Fotografía Xuvenil, onde quedou patente, unha vez máis, a creatividade e a inquietude artística que se respira na rapazada do noso concello.
Dende o centro queremos amosar o noso enorme orgullo
pola gran resposta do noso alumnado ante esta iniciativa. A participación foi
un éxito rotundo, con case 80 fotografías presentadas a concurso. Grazas
a todos e todas por animarvos a compartir a vosa mirada a través da cámara; a
vosa implicación é o que dá sentido a estas actividades.
Queremos enviar os nosos máis sinceros parabéns aos
gañadores: Álvaro, André, Sara, Antón, Aila e Lucas. O voso traballo ten
dobre premio, xa que as vosas imaxes foron as elixidas para ilustrar o Calendario
Municipal 2026. É unha marabilla saber que o voso talento estará presente
nos fogares de toda a veciñanza durante o vindeiro ano.
O resultado final do calendario é precioso e reflicte o
alto nivel dos participantes. Grazas tamén á organización e ao xurado
(Asociación Fotografía Ferrolterra e profesorado do CPI As Mirandas) por
valorar o esforzo dos nosos mozos e mozas.
Seguide capturando momentos!
.jpg)
OS DEREITOS DA INFANCIA, CONTADOS E CANTADOS
NO COLE
O 20
de novembro, o noso centro encheuse de maxia e colaboración para celebrar o Día
Internacional dos Dereitos da Infancia. Os rapaces e rapazas de 1º B da ESO da materia de Reli, foron os protagonistas dunha iniciativa
marabillosa, deseñada para concienciar aos máis pequenos de Primaria sobre a
importancia dos seus dereitos. O obxectivo era claro: facer que esta data tan
significativa fose divertida, participativa e, sobre todo, memorable.
A REBELIÓN DE CONTOS
A actividade central xirou arredor do conto "Lola
e a rebelión dos contos". A través desta historia, a pequena Lola descobre que personaxes clásicos
como Cincenta, Carapuchiña ou Hansel e Gretel están "cansos de sufrir
sempre nas súas historias" e decidiron rebelarse. Os personaxes esixían os
mesmos dereitos que as nenas e nenos reais:
A
narración serviu para reflexionar sobre como os contos axudan a entender mellor
os Dereitos da Infancia, como o dereito á igualdade, á educación, á protección,
á saúde ou ao xogo e a paz.
Música, Baile e Pasapalabra: Unha Lección de
Dereitos
Un dos momentos máis emocionantes da xornada
foi a presentación da canción dos dereitos que crearon para a ocasión.
Cantaron e bailaron con entusiasmo, transmitindo unha mensaxe poderosa: "Os
dereitos da infancia non se escriben na area, porque os leva o vento cando sobe
a marea..."
Esta melodía, chea de ritmo e significado,
conseguiu que a mensaxe calase nos corazóns de todos os presentes.
Ademais, para poñer a proba o aprendido co
conto, os maiores organizaron un divertido Pasapalabra temático. Os
pequenos de Primaria participaron con moito interese e demostraron que
entenderon perfectamente a mensaxe da historia. Ver as súas caras de
concentración e alegría mentres xogaban foi a mellor recompensas.
Ao remate , os máis pequenos foron
obsequiados cuns debuxos para colorear nos que se representaban todos os
dereitos.
Foi unha actividade colaborativa super
chula que non só serviu para celebrar este día tan importante para a
Infancia, senón tamén para potenciar o uso do galego, fomentar a creatividade
e, o máis importante, unir a diferentes etapas educativas do noso colexio nun
proxecto común.
Parabéns a todo o alumnado de 1º de ESO e
Primaria por facer deste día un exemplo de convivencia e aprendizaxe!
CANCIÓN DOS DEREITOS
PARA VER O CONTO PREME NO ENLACE DE ABAIXO
👉CONTO "LOLA E A REBELIÓN DOS CONTOS"
Hoxe vivimos unha xornada moi especial nas clases de 1º e 2º de Primaria.
Tivemos a inmensa fortuna de recibir a visita de Miguel e Jara, expertos
de DisfRutas Ortegal, que trouxeron a maxia da fauna e a flora
directamente á nosa escola.
Durante o obradoiro, o alumnado converteuse en
auténticos rastrexadores. Foi unha mañá chea de descubrimentos onde puideron
tocar, observar e analiza:
·
🐾 Diferentes pegadas
de animais.
·
🔍 Análise de excrementos
para entender a alimentación da fauna.
·
🦅 Observación detallada
de ás, cráneos e cornas.
Grazas á sabedoría e paixón que Miguel e Jara
transmitiron, levamos connosco un milleiro de novas aprendizaxes sobre a nosa
contorna. A mañá pasou voando e quedamos con ganas de máis.
Moitas grazas a DisfRutas Ortegal por esta experiencia
tan enriquecedora!
.jpeg)
.jpeg)
