Hoxe o noso centro educativo, CPI As Mirandas, vestiuse de gala para lembrar e honrar a memoria de Luísa Villalta, autora homenaxeada este ano no Día das Letras Galegas.
Desde primeira hora da mañá un grupiño de alumnos e alumnas de
4º de ESO realizaron un percorrido por todas as clases do noso centro para
falar sobre a vida e obra da autora homenaxeada, recitando fragmentos da súa
poesía e transmitindo a súa mensaxe e o seu legado a todos os presentes.
.jpeg)
O acto
central discorreu ao carón do mural
dedicado á autora onde a música, a poesía e a comunidade educativa uníronse
para homenaxear a obra e o legado de
Luísa Villalta e para lembrar e
reivindicar, ao mesmo tempo, o idioma galego como lingua de comunicación e
expresión na cotidianeidade do noso día
a día.
A lectura de poemas e a música interpretada pola nosa mini Big
band transportounos ás terras e paisaxes que Luisa Villalta soubo retratar con
mestría na súa obra.
E, como colofón, o himno galego resoou reafirmando o orgullo e a identidade da nosa lingua.
No hay comentarios:
Publicar un comentario