O luns 30 de xaneiro de 2023, conmemoramos o Día Escolar da Paz e da Non Violencia nun acto conxunto no que todo o alumnado e profesorado do centro visibilizamos unidos o noso compromiso cara á erradicación da violencia e o establecimento dunha cultura da paz no noso día a día.
Os nenos e nenas de cada clase leron as mensaxes de paz coas que adornaron as portas das súas aulas e rematamos o acto cantando a canción “Mensajes del agua”.
O próximo luns 30 de xaneiro celébrase o Día escolar da Paz e a Non Violencia. Previo ao acto que toda a comunidade educativa realizará o luns, quentamos motores coa canción que imos a interpretar en Lingua de Signos. A canción titúlase mensajes del agua de Macaco e o vídeo foi realizado polo alumnado de 3º de ESO.
Tamén o alumnado de 3ºB sumouse aos actos previos cantando a canción Heald de world de Michael Jackson
Cada ano o 27 de xaneiro, a UNESCO rende tributo á memoria das vítimas do Holocausto e ratifica o seu compromiso de loitar contra o antisemitismo, o racismo e toda outra forma de intolerancia que poida conducir a actos violentos contra determinados grupos humanos. O 27 de xaneiro conmemórase a liberación en 1945 polas tropas soviéticas do campo de concentración e exterminio nazi de Auschwitz-Birkenau. Esa data foi oficialmente proclamada, en novembro de 2005, Día Internacional en Memoria das Vítimas do Holocausto.
Hoxe, 27 de Xaneiro, lembramos ós millóns de homes e mulleres que sufriron ou morreron nos campos de exterminio nazis. Entre eles miles de españois e galegos e tamén da nosa comarca de ferrolterra. Na súa memoria e, en agradecemento á súa loita polos dereitos que son de todos e que hoxe gozamos, en parte grazas a eles, achegámonos cos alumnos de cuarto da ESO ao monumento que os lembra para amosar o noso agradecemento.
.jpeg)
.jpeg)
.jpeg)
Rosalia Sempre Viva 23 by veracruces on Scribd
Ben, chegamos ao remate da nosa aventura. Canto aprendemos na busca do tesouro da ría de Ares, que resultou ser unha especia, o cravo. A partir das nosas investigacións descubrimos unha morea de cousas novas e fixemos un traballo cooperativo impresionante.
Queremos dar a grazas a Dani Magariños e aos nenos e nenas de Cádiz por colaborar con nós nesta aventura e... xa estamos preparados para un novo reto!
Aquí vos deixamos o último capítulo.
Que cousa tan bonita recibimos dos/as maiores do Centro de Día. Despois de enviarlles as nosas postais, agasalláronnos cunha preciosa postal e dedicatoria así como cuns marabillosos axóuxeres ou maracas que fixeron coas súas fermosas mans. Nesas mans nas que reside a sabedoría que debemos recuperar. Mans que tocaron terra, xente e mundo, e que gardan na súa pel o recordo do amor feito, do traballo feito, da vida pasada, da dor superada e o que foi e será, de momentos cargados de sentido, e dos que nunca o terán. E damos grazas porque sigan vivas e acompañándonos. Poucas cousas hai nesta terra que provoquen un maior sentimento de misterio e amor.
Grazas por tanto!.
