lunes, 25 de febrero de 2019

NICA E BONI. O ENTROIDO DE CERVÁS E CHANTEIRO

Esta semana contamos coa colaboración de Manolo Rodríguez Doval. Con el viñan Nicasia e Bonifacio, dous bonecos articulados que polos anos 50 e 60 animaban as celebracións do entroido en Cervás e Chanteiro. Xa hai máis de dez anos que un grupo de veciños recuperaron esta tradición, dándolle unha nova vida a estas dúas personaxes. O alumnado de EI puido coñecer da man de Manolo a Nica e Boni e a súa historia: como eran, como foi a sua restauración e como son neste momento. Un relato que espertou a súa curiosidade. 
Para rematar, agasallounos cunhas coplas adicadas ao entroido.

 Parabéns Manolo, e moitas grazas!








viernes, 22 de febrero de 2019

ROSALÍA ETERNA.

Este domingo, 24 de febreiro, lembramos a figura da nosa poeta máis universal, Rosalía de Castro, a escritora máis representativa da língua e da literatura galegas, pois asumíu a voz do seu pobo, voz que guiou permanentemente a súa obra e o seu pensamento.
Por iso, para expandir o poder da súa palabra quixemos facer un pequeno vídeo e amosar e reivindicar a esa Rosalía que, adiantada ao seu tempo, mobilizou as conciencias colectivas defendendo os dereitos das mulleres. O feito é que, sobre todo na súa pouco coñecida prosa, Rosalía foi unha abandeirada do feminismo. O prólogo de La hija del mar, un dos seus libros máis intimista, supón todo un alegato de empoderamento feminino e reivindicativo. "Porque todavía no les es permitido a las mujeres escribir lo que sienten y lo que saben”, afirmaría no texto, publicado en 1859.
O certo é que a preocupación constante pola condición feminina impregnou a súa obra. Ela representa, en suma, o inicio da modernidade galega.

       

martes, 19 de febrero de 2019

XA ESTÁ AQUÍ O ENTROIDO

Como pasa o tempo,parece que foi onte cando estabamos a comer turrón e xa vedes...o Entroido xa está aquí. Trocamos os doces de nadal polas filloas, as orellas, o lacón con grelos...
Queredes saber máis sobre o Entroido en Galicia?, pois premede na seguinte imaxe e os vosos amigos os  Bolechas achegaranvos aos diversos entroidos e tradicións  de forma divertida e poñendo a proba os teus coñecementos.

https://osbolechas.gal/entroido/

Aquí tedes tamén unha estupenda Unidade Didáctica sobre o entroido.
Unidade didactica entroido de Yolanda Castro


Tamén podedes pasar pola biblioteca e  ver as nosas recomendacións sobre o Entroido.

viernes, 15 de febrero de 2019

DÍA DE ROSALÍA 2019

      A Asociación de Escritoras e Escritores en Lingua Galega (AELG) conmemora un ano máis o Día de Rosalía de Castro. Para o 24 de febreiro, fixado no Calendario do Libro e da Lectura como aniversario do nacemento da autora, esta entidade propón desde 2010 á cidadanía que agasalle un libro en galego e unha flor, alén doutras accións que contan con grande aceptación e impulso por parte da sociedade, e moi especialmente polo sector educativo, como se pode comprobar no arquivo audiovisual e de imaxes da nosa web. 
      Para a edición de 2019 Ana Romaní é a persoa escollida para a redacción do Manifesto da AELG, que será lido no acto central do Día de Rosalía de Castro, que terá lugar o propio domingo 24 de febreiro no Panteón de Galegos Ilustres, en Santiago de Compostela. O texto será tamén lido en todos os actos promovidos pola AELG. así como nos organizados por outras entidades que se sumen ás propostas que a entidade remitirá a concellos, asociacións, centros de ensino.



martes, 12 de febrero de 2019

GALICIA, AGUA, LITERATURA E RAP

Nova edición do concurso "Galicia,auga, literatura e rap", organizado por Viaqua e La Voz de Galicia. Descubre como participar en www.prensaescuela.es, dentro do apartado Concursos.

lunes, 4 de febrero de 2019

35 CONCURSO ESCOLAR ONCE. PATIOS INCLUSIVOS


Baixo o lema “Por min e por tódolos meus compañeiros” os alumnos e alumnas dos centros escolares As Mirandas de Ares e Virxe da Cela de Monfero, uniron esforzos para elaborar e realizar unha serie de vídeos para o 35 Concurso Escolar Once. Con esta proposta a Fundación ONCE pretende sensibilizar aos alumnos/as sobre a importancia de crear unha escola inclusiva e, nesta edición, ponse o punto de mira nos recreos inclusivos. De feito, o patio de recreo convértese nunha micro sociedade dentro do espazo escolar, onde alumnos/as de distintas idades, etapas educativas, perfis... poñen en xogo a súa capacidade de interactuar cos iguais nun espazo onde poñer en práctica as súas habilidades de empatía, negociación, interacción, solidariedade... Coa creación dun videoclip, cunha canción con letra propia de 60 segundos de duración, e a través da interacción imaxe-son, os rapaces e rapazas tentaron plasmar, a través da creatividade, a súa idea de como facer un recreo inclusivo para todos e aprender a vivir coa diferenza e desde a diferenza.

 





CARREIRA SOLIDARIA: AGRADECEMENTO DE "SAVE THE CHILDREN"