OPERACIÓN QUILO DE NADAL

 Hoxe un grupiño de alumnas do noso cole achegouse ao local de Cáritas de Ares a entregar o recadado nesta especial Operación Quilo de Nadal. Este ano por mor da pandemia non puidemos facer a recollida de alimentos como todos os anos, pero a solidariedade de toda a comunidade educativa (alumnado, familias e profesorado) nunca defrauda. Grazas a vosa solidariedade recadamos a cantidade de 700 euros que foron repartidos entre Cáritas de Ares e a Casa de Acollida do Patronato Concepción Arenal de Ferrol.

Grazas infinitas a todxs pola vosa colaboración e compromiso.

  “Moita xente pequena, en lugares pequenos,

 facendo cousas pequenas, pode cambiar o mundo”.

FELICES FESTAS E MELLOR ANINOVO 20201

BO NADAL E MELLOR 2021

A Comunidade Educativa do CPI As Mirandas deséxavos unhas Felices Festas e un mellor Aninovo 2021.

Cos nosos mellores desexos de saúde, traballo, paz e fraternidade,

DÍA INTERNACIONAL DA VIOLECIA DE XÉNERO NO CPI AS MIRANDAS

Hoxe é o Día Contra a Violencia de Xénero . Traballamos nas aulas este tema tan importante realizando varias actividades encamiñadas a concienciar ao alumnado sobre a relevancia deste problema na sociedade.

Aquí tedes os murais e paneis realizados en infantil, primaria e ESO así como un vídeo no que toda a comunidade educativa súmase  á loita contra esta lacra que a día de hoxe segue a deixar sen soños e sen vida a moitas mulleres.

A continuación podedes ver o vídeo relizado polo alumnado de 6º E.P.

MURAL DOS PEQUERRECHOS DE INFANTIL

EXPOSICIÓN DE CARTEIS DO ALUMNADO DA ESO

20 novembro. DÍA DOS DEREITOS DOS NENXS

O 20 de novembro conmemórase en todo o mundo o Día Internacional dos Dereitos dos Nenxs. Desde o CPI As Mirandas queremos chamar a atención sobre os millóns de nenos e nenas que seguen sen ter acceso aos dereitos máis básicos como a educación, a sanidade, un fogar...e que teñen que abandonar os seus soños. E facemos tamén un chamamento aos gobernos para que cumpran os seus compromisos de realizar plenamente os dereitos da infancia. Hai que traballar para que todos, independentemente do lugar ou as condicións nas que nazan, teñan un futuro mellor!   

          Os nenxs son o recurso máis importante do mundo e a mellor esperanza para o futuro.

       Aquí podedes ver o vídeo que as alumnas e alumnos de 2º ESO realizaron para difundir esta data.

                          Grazas a Raquel, a intérprete de lingua de signos, pola súa colaboración.

SAMAÍN 2020

 

OUTONO NO CPI AS MIRANDAS

 Saída de outono á contorna máis próxima. Recollida de follas e decoración das mesmas.

APRENDEMOS LSE

Esta semana veu a visitarnos Tino, unha persoa xorda, que nos contou moitas cousas en Lingua de Signos, como foi e como é a súa vida como rapaz xordo.  O alumnado fixo mil preguntas!!  Foi moi Interesante!!!!!

Grazas Tino

RECURSOS DIDÁCTICOS SAMAÍN E MAGOSTO

 

Achégamos unidades didácticas para infantil e primaria de Samaín 2020 e do Magosto 2020, elaboradas polos EDLG de varios centros de ensino da Coruña, con diferentes textos, actividades e manualidades por se vos son de utilidade para celebrar estas dúas festas. Saúdos

Magosto 2020 from satelite1

SAMAÍN 2020 by veracruces on Scribd

UNHA MANDA DE PEZAS PARA ISAAC

Este ano 2020 conmemórase o centenario do nacemento de Isaac Díaz Pardo e Alento Esbravexo convoca un concurso onde cadaquén pode inspirarse en algo relacionado coa figura de Isaac Díaz Pardo (un acontecemento concreto da súa vida, un debuxo, unha pintura, unha tipografía, un cartaz, unha peza cerámica, etc.), tamén se poderá inspirar na súa escola (empresas que formou, artistas discípulos de Isaac,...) ou mesmo se pode facer algo totalmente novo, xa for reinterpretando calquera destes eidos artístico-vitais indicados e crear un debuxo, unha pintura, un tipo de letra, un deseño, grafiti, xoia, danza, música, etc. con total liberdade.

O prazo de presentación das obras remata o 13 de agosto de 2020.

Para participar deberase enviar un correo a: alentoesbravexo@gmail.com

Con todo o material recibido tentarase facer un libro, unha exposición,...(sempre dependendo da situación vírica actual).

 Preme aquí para consultar as BASES

Máis información no seguinte enlace: https://axendacultural.aelg.gal/2020/06/30/proposta-unha-manda-de-pezas-para-isaac/

XA ESTÁ AQUÍ O IV CONCURSO DE FOTOGRAFÍA XUVENIL CONCELLO DE ARES

 ANIMÁDEVOS A PARTICIPAR!!!!!!

Xa temos aquí a IV Edición do Concurso de Fotografía Xuvenil que o Concello de Ares en colaboración tamén co noso cole organiza cada ano. Como sabedes, deste concurso sairán as  fotografías que se incorporarán ao calendario municipal do ano 2021 e que se distribúe entre toda a veciñanza e comarca. 

A que che gustaría que a túa fotografía formase parte do calendario deste ano?. Pois xa sabes  o que tes que facer, colle o teu móbil ou cámara de fotos e anímate a fotografiar espazos, lugares, obxectos, actos ou situacións da nosa contorna que consideres parte da túa, da nosa identidade.

• Categorías:

CATEGORÍA A: De 8 a 12 anos

CATEGORÍA B: De 13 a 18 anos

• Cómo participar?:  

Poderanse enviar un máximo de dúas fotografías en formato dixital e sen retocar ao enderezo electrónico: concursofotografia@concellodeares.com. Xunto ás fotografías remitirase o formulario de solicitude de participación e de identificación das fotografías cubertos e asinados.

Nos seguintes enlaces tedes as bases do concurso así como os formularios para descargar. Premede neles e poderedes acceder a eles.

• BASES en pdf
• FORMULARIO DE SOLICITUDE DE PARTICIPACIÓN
• AUTORIZACIÓN DE IMAXES TERCEIROS

Prazo de entrega:  O prazo de entrega remata o 21 de outubro.

Super Premios:

 As fotografías gañadoras  pasarán a formar parte do calendario do Concello para o ano 2021 que se reparte por todo o municipio, identificando aos autores delas.

  Categoría A :

·       1º PREMIO: Unha TABLET

·       2º e 3º PREMIO:  Un lote de libros

Categoría B:

·       1º PREMIO: Unha Cámara de fotos

·       2º PREMIO: Unha TABLET

·       3º PREMIO: Un lote de libros

                                                        Preparados.... Cámara e acción!!!                                                    

XOGO INFANTIL TURISTEANDO COS MIÚD@S

TURISTEANDO COS MIÚD@S, é o primeiro xogo infantil interactivo para que os miúdos e miúdas descubran a riqueza cultural e turística da provincia da Coruña. Un xogo realizado para o fondo de Proxectos Culturais do Xacobeo 2021 co que podedes xogar en calquera momento, no colexio ou na casa.

Se queredes xogar e acceder a el, só tedes que clikar na imaxe que tedes a continuación.

 

COMEZAMOS UN NOVO CURSO FORMÁNDONOS EN LINGUA DE SIGNOS

O 23 de setembro, celébrase o Día Internacional das Linguas de Signos. Unha data que Nacións Unidas declarou oficialmente en 2017 facéndoa coincidir co aniversario da Federación Mundial de Persoas Xordas para reivindicar estas linguas como parte da diversidade lingüística e cultural.

Se queremos un desenvolvemento saudable  para xs nenxs xordxs, é necesario superar aquelas ideas que obstaculizan a posibilidade de ofrecer e recibir unha atención integral que, entre outras cousas, inclúa a adquisición da lingua de signos nos colexios.

Esta semana  no noso cole,  formámonos  e aprendemos  LSE dá  man de Teresa dá Asociación de  Persoas  Xordas de Ferrolterra. Grazas  Teresa por abrirnos os ollos e as mans á LSE.

ENTREGA DE NOTAS E….FELICES VACACIÓNS!

Hoxe os rapaces e rapazas da ESO volveron ao cole, con todas as medidas de seguridade, para recoller as súas notas. Desde aquí queremos desexarvos un bo verán con sentidiño, xa sabedes, e vémonos á volta.

Aos alumnos e alumnas de 4º que graduáchedes este ano, só desexarvos o mellor na nova etapa que comezades e esperamos que volvades a facernos unha visitiña de cando en vez.

Moita sorte a todxs.

ACTO DE GRADUACIÓN VIRTUAL DO ALUMNADO DE 4º ESO. CPI AS MIRANDAS

Hoxe, nun  emotivo acto virtual entre melancólico e alborozado,despedimos aos nosos  alumnos e alumnas de 4º de ESO.  Unha mestura de satisfacción polo deber cumprido por uns e por outros, e de tristeza polo que supón de despedida entrañable tras tantos anos de convivencia como membros do CPI As Mirandas. Tod@s nós quixeramos que este acto de graduación fora máis cercano e puideramos abrazarnos, pero como dixo Richard Bach, a amizade e o afecto non dependen de cousas como o espazo e o tempo así que, aínda que lonxe fisicamente, sentímosvos moi preto.

Moitos dos vosos profes que, ao longo de todos estes anos vos acompañaron nesta vosa andaina educativa, tamén quixeron gravar unhas cariñosas palabras de despedida que podedes ver no vídeo pendurado máis abaixo.

Para rematar querémosvos desexar de corazón toda a sorte do mundo na nova etapa que comezades, e recordarvos que sempre teredes abertas as portas deste, o voso cole.

Parabens  e… moita sorte!!!

        

        

A continuación se premedes na imaxe, podedes ler o discurso de Jéssica Criado de 4º ESO B

AS NOSAS ALFOMBRAS FLORAIS CRUZAN FRONTEIRAS. PROXECTO ERASMUS + TRADICIÓNS

Grazas ao alumnado e as familias do CPI AS Mirandas de Ares por contribuir a espallar a nosa tradición das alfombras florais máis aló das nosas fronterias a través do Proxecto ERASMUS+.

Parabéns pola labor que fixéstedes esta fin de semana nas vosas casas elaborando esas alfombras florais tan belas e creativas e sobre todo, por seguir mantendo vivas as nosas tradicións. 

Sodes o futuro. Noraboa!!!

PREME NA FOTO  PARA VER A NOTICIA NO  XORNAL

CPI AS MIRANDAS. XORNADAS DE ACOLLIDA VIRTUAIS PARA O ALUMNADO QUE REMATA EDUCACIÓN PRIMARIA E INICIA A ETAPA DE ESO

Este curso, por mor da crise sanitaria que estamos a vivir, as xornadas de acollida para o alumnado de 6º de EP que comeza a ESO non puideron ser presenciais, polo que o Departamento de Orientación preparou este plan de acollida virtual. Grazas a Begoña á nosa orientadora e ás alumnas de 1º de ESO Nagore, Antía e Alba que colaboraron na realización desta presentación.

4RR454ND0 C045 M473M471C45 N0 CP1 45 M1R4ND45 (ARRASANDO COAS MATEMÁTICAS NO CPI AS MIRANDAS)

AGAPEMA (Asociación Galega do Profesorado de Educación Matemática) e a APM (Asociación do Profesorado de Matemáticas de Portugal) convocaron a quinta edición de “Matemáticas na Raia”, un concurso de resolución de problemas dirixido ao alumnado de 3º da ESO (9º ano en Portugal) no que o noso alumnado de Matemáticas Académicas de 3º participou o 5 de marzo. Trátase dun concurso que fomenta o traballo colaborativo, pois os grupos equipos son grupos-clase completos. 

O noso alumnado de 3º estivo preparándose con varios simulacros e puxeron moita ilusión e miolos para resolver os cinco problemas cós que a organización os retou.  Este grupo de 15 rapazas e rapaces estivo moi ben organizado repartíndose o traballo durante a hora e media que durou a proba. Ese reconto de triángulos levounos ao límite pero entregaron a tempo as solucións... As vixilancias fanas profesorado que non imparte clase no centro que vai vixiar, así que este ano Sindo, profesor do IES Fragas Do Eume estivo no CPI As Mirandas, e Belén no IES Fragas Do Eume. O alumnado quere dar as grazas a Sindo polas súas palabras de tranquilidade e pola súa cercanía, e tamén moitas grazas pola acollida no Fragas Do Eume.  
Este ano a publicación dos gañadores retrasouse pola situación provocada pola pandemia pero por fin xa o sabemos... e o noso equipo de 3º Académicas proclamouse gañador desta edición. Noraboa a todas as rapazas e rapaces polo ben que o fixeron!!!!!  Non poderán desfrutar do premio de pasar unha fin de semana nunha cidade do norte de Portugal pola situación que estamos a atravesar pero deben estar moi orgullosos por todo o que fixeron, e saber que a vida porá nos seus camiños moitas oportunidades de xogar coas Matemáticas. Esperamos xa con moitas ganas a VI Edición de Matemáticas Na Raia.

DÍA DAS LETRAS GALEGAS DESDE O CPI AS MIRANDAS

Bos días a todos e todas. Como ben sabedes, hoxe é o Día das Letras Galegas e, aínda que este curso non puidemos celebralas como quixeramos,  o noso  ilustre escritor e poeta D. Ricardo Carballo Calero, homenaxeado este ano 2020, quixo  lernos e dedicarnos algúns dos seus poemas. 

FELIZ DÍA DAS LETRAS GALEGAS

Velaquí o vídeo e.....

CASTELAO XA FICA NAS PAREDES DO NOSO COLE

       Achégase o día das letras galegas e este curso non poderemos celebralo como quereriamos. As nosas aulas seguen  valeiras pero, Alberto, o noso conserxe, segue ao pé do canón facendo as súas tarefas e,  ademais, enchendo de galegos ilustres os nosos espazos. Grazas a el, Castelao xa fica nas nosas paredes.

 Escribía Carvalho Calero na súa obra “Escritos sobre Castelao” que parte da vitalidade e o sentimento que tiña dentro del, debíase en gran parte a galegos ilustres como Risco, Otero e especialmente Castelao, cuxa obra e vida son unha permanente homenaxe a Galicia. Penso que tamén Alberto ten esa vitalidade que Carvalho Calero sentía dentro del.

Grazas  Alberto por compartir a túa arte co noso cole, co teu cole.

CARBALLO CALERO. LETRAS GALEGAS 2020

https://view.genial.ly/5eb042186f16bf0d194d52c8

                                                                             Ola a tod@s!!

Este ano teremos que esperar a outubro para celebrar a nosa gran festa... pero ben podemos ir tendo presente a Carballo Calero, o autor ao que están dedicadas as Letras Galegas este ano, non si?

Pois ben, se premedes nas seguintes imaxes poderedes acceder a diversas actividades interactivas para coñecer un pouco máis sobre o autor ferrolán homenaxeado .

Picade nas  imaxes.

 

 

E SE QUEREDES ACTIVIDADES OU DEBUXOS PARA DESCARGAR PREMEDE NA SEGUINTE IMAXE

AQUÍ TEDES UNHA MOREA DE ACTIVIDADES SUPER DIVERTIDAS 

COAS QUE APRENDEREDES MOITAS COUSAS DE  DON RICARDO
Para comezar a xogar so  tes que premer  no megáfono que se atopa ao lado do 2

AS PITAS BAIXO A CHOIVA: O CONTO , A MÚSICA E MOITO MÁIS....
Preme na imaxe

SERÁS  QUEN DE FACER ESTE CREBACABEZAS?

PREME NA IMAXE 

                                                       Teño unha dor.  Carballo Calero. 

Poema musicado