TESMOITALINGUA

XA ESTÁ AQUI O ENTROIDO

2012-02-15T20:16:00.001+01:00

Ola amig@s xa está aquí o entroido e xa sei que estades a preparar como todos os anos os vosos disfraces. Díxome un paxariño que vos están quedando superchulis os disfraces de feras do circo (elefantes, tigres, cebras e leóns...). Tamén me colei no blog dos pequerrechos e xa vin que guapos están todos de pallasos.

Ben, eu vou a seguir buscando polo faiado para ver si encontro algo co que disfrazarme o venres. Pero antes deixovos unha serie de enlaces nos que encontraredes xogos, plantillas de máscaras e antifaces e moitas máis cousas relacionadas co entroido.

Premede nas imaxes para entrar neles.

PREGUNTÓN DO MARTES 14 DE FEBREIRO

2012-02-13T21:57:00.001+01:00

Ola amig@s preguntóns que pronto pasou a fin de semana verdade!!!. Ben, xa estamos aquí de novo coas preguntiñas deste 14 de febreiro que ,como sabedes, é o Día dos Namorados. Así que aí vai unha preguntiña acorde coa data.

PREGUNTA 1

PREGUNTA 2

Un novo xornal dixital en galego: PRAZA PÚBLICA

2012-02-13T21:19:00.001+01:00

Dende hai unhas cantas semanas funciona un novo xornal "Praza Pública" que emprega o galego como lingua exclusiva. Canta falta facía!

Preme na imaxe para poder velo

PREGUNTÓN DO VENRES 10 DE FEBREIRO

2012-02-10T07:38:00.001+01:00

Ola a todos e todas aquí vos deixamos as preguntas correspondentes ao venres desta 2ª semana de Preguntón. Veña a darlle aos miolos!!.

PREGUNTA 1

PREGUNTA 2

PREGUNTÓN DO MARTES 7 DE FEBREIRO

2012-02-06T20:30:00.001+01:00

Ola querid@s preguntóns, xa vimos que vos aplicáchedes moito na resolución das preguntas da primeira semana. En realidade, despois de ver as respostas as mesmas, estamos abraiados do voso "saber". E como pensamos que sodes uns investigadores infatigables, aquí vos deixamos as preguntas deste martes.

PREGUNTA 1

PREGUNTA 2

VIDEO CONFERENCIA COA BAE NA ANTÁRTIDA "GABRIEL DE CASTILLA" E O NOSO CIENTÍFICO ARESAN JAVIER CRISTOBO

2012-02-03T19:34:00.005+01:00

Esta semana tivemos a oportunidade de realizar unha video conferencia coa Base Antártica Española "Gabriel de Castilla". A verdade é que foi todo un luxo poder contactar en directo cos científicos da mesma. Graza ao noso amigo Javier Cristobo (aresán de pura cepa), que como todos sabedes é un dos científicos que está a traballar na Base Antártica, puidemos realizar esta actividade. En riguroso directo os membros do Proxecto Antártico explicáronnos en que consistía o seu labor e o traballo que estaban a facer, pero o máis importante foi que os rapaces e rapazas puideron falar con eles, facerlles preguntas e coñecer de cerca o proxecto que están a realizar.

A actividade non remata aquí, xa que Javier seguirá en contacto con nós, mandaranos videos e fotos e poderemos seguir de cerca os seus traballos.

Aquí vos deixamos un pequeno video da videoconferencia.

AIDA FORMOSO RECIBE O PREMIO DA FUNDACIÓN BARRIÉ

2012-02-03T19:14:00.002+01:00

A nosa alumna Aida Formoso (2º ESO) recibíu onte o Premio que a acredita como gañadora do "Preguntoiro Científico", organizado pola Fundación Barrié de la Maza.

En hora boa, Aida, de toda a comunidade educativa.

PREGUNTÓN DO VENRES 3 DE FEBREIRO

2012-02-02T22:37:00.002+01:00

Ola... xa chegamos ao final da semana. Que pronto rematou, eh?. Ben, aquí vos deixamos as preguntas do venres . Se vos fixades, unha delas leva o título de "Xenius" e vale catro puntos. Xa sabedes, poñede a funcionar as vosas neuronas para conseguir todos os puntos.

Lembrade que o luns tedes que entregalas aos profesores responsables.

PREGUNTA 1

PREGUNTA 2

CONTOS DA PAZ PARA OS PEQUERRECHOS DE 5 ANOS

2012-02-02T18:28:00.003+01:00

Hoxe os nenos e nenas de 5 anos visitaron a aula de música no edificio de secundaria. Alí os alumnos e alumnas de 3º da ESO e mais o alumnado de 2º da ESO de “Reli” contáronlles aos pequerrechos dous contos sobre a paz titulados "Buscando a paz" e "A espada pacifista". Ao remate dos contos os rapaces e rapazas de 3º, dirixidos pola profe de música Teresa, interpretaron o Himno a Alegría. Os pequerrechos de infantil portáronse moi ben e foron agasallados con caramelos. Agardamos que volvan pronto a facernos unha visita.

COMEZAMOS "O PREGUNTÓN"

2012-01-30T21:02:00.006+01:00

Ola amigos e amigas "preguntóns", xa estamos aquí de novo co noso concurso estrela. Sei que este ano estades mais que preparados e motivados para contestar a todas as cuestións que vaiamos propoñendo. Xa sabedes que cada martes e venres colgaremos dúas cuestións que poden ser preguntas, unha adiviña, un xogo...para resolver e entregar o luns seguinte aos profes responsables do Preguntón.

Aqui vos deixamos as primeiras correspondentes a este martes 31 de xaneiro. Xa vedes que son moi sinxelas, pero non vos preocupedes que haberá sorpresas....

Vamos... preparados, listos, xaaaaaa!!!!!

PREGUNTAS DO MARTES 31 DE XANEIRO

(Para ver mellor as preguntas, premede enriba delas)

PREGUNTA 1

PREGUNTA 2

30 DE XANEIRO: DÍA ESCOLAR DA NON VIOLENCIA E A PAZ

2012-01-24T16:13:00.013+01:00

Achegámonos a unha nova edición do Día Escolar da Non violencia e a Paz (DENYP), na súa denominación completa e tal como a acuñou Llorenç Vidal, alá por mediados os anos '60, en coincidencia co aniversario da morte violenta de Mahatma Gandhi, un 30 de Xaneiro de 1948.

Ademais de celebrar o Día Escolar pola Paz, cada 30 de Xaneiro, cousa que debemos facer, sería mellor (e desde logo máis efectivo) celebrar a paz de todos os días e preguntarmonos e interpelar ao alumnado sobre onde está a paz, e en que lugar debemos buscala. Porque non está, como adoitamos crer, fóra de nós, nos grandes líderes mundiais, nin tampouco nas pombas que soltamos, ou nos paneis que debuxamos, nas mans de cores que estampamos en muros e corredores... como ás veces cre o noso alumnado, senón que debemos aprender a escoitar a voz da nosa propia conciencia (Jonan Fernández), dentro do noso corazón, desde aí é desde onde construímos a paz, cada día, connosco mesmo e cos demais. Tal e como o dicía maxistralmente o propio Mahatma Gandhi: "Os únicos demos que existen no mundo aniñan dentro do noso propio corazón".

Tranversalmente, na materia de Educación para a Cidadanía, nas horas de titoría, e en todas e cada unha das materias, dentro e fóra das aulas, no Plan de Centro, no clima escolar, a educación é sobre todo atmosfera, dicía Henry Adams, temos que aprender a construíla e así celebrar a paz de todos os días, a convivencia, compartir vivencias xuntos, para que o 30 de Xaneiro, non se converta nunha rutina, para que a paz sexa algo máis que un conto de pombas e globos, flor dun día, cada ano, por moi brillante que sexa.

Porque as rutinas anulan a paixón e sen paixón dificilmente podemos aprender e educar para facer as paces, así en plural, fronte a todas as violencias.

O Seminario Galego de Educación para a Paz, suxire, nesta ocasión, reflexionar, debater, traballar sobre "A aprendizaxe da democracia na escola", sobre un texto magnífico de José Tuvilla, con distintos recursos e materiais que podedes baixar da web: www.sgep.org.

Unha das actividades realizadas polos alumnos de 1º da ESO na asignatura de "Reli", foi a de deseñar pegatinas alusivas á paz. Estas pegatinas serán repartidas no noso colexio o vindeiro luns, Dia da Paz a todos os nenos e nenas do centro.

Autores: Xosé Manuel, Carlos, Nando e Alejandro (1º ESO)

Autora: Cristina Fernández (1º A)

Autora: Elisabeth Domínguez (1º ESO)

Autor: Francisco Rañales (1º ESO)

Autoras: Andrea Salido, Eva Gil e Begoña Muiño (1º ESO)

Autora: Noelia Calvo (1º ESO)

Tamén os alumnos de 2º e 3º da ESO da asignatura de "Reli" fixeron un mural super chulo cunha pomba e un lema que di "cada noite, antes de que pechemos os nosos ollos para durmir, lembremos que a paz é o noso soño".

Que teñamos, que teñades, un feliz Día Escolar da Non violencia e a Paz, neste 64 aniversario da morte de Gandhi, para que o 30 de Xaneiro sexa o principio da celebración da paz de todos os días...

Aquí vos deixamos unha escolma de Contos para a Paz. Premede na imaxe para velos en grande.

Manifesto pola paz 2012

View more documents from Yolanda Castro López.

VOLVE O PREGUNTÓN

2012-01-22T18:38:00.004+01:00

XA ESTAMOS DE VOLTA!!!

O 31 DE XANEIRO DE NOVO...

Bases preguntón

GAÑADORA DA PRIMEIRA EDICIÓN DO PREGUNTOIRO CIENTÍFICO

2012-01-18T21:11:00.004+01:00

Despois dunha longa deliberación, o comité avaliador do "O Preguntorio Científico" xa elexiu a mellor resposta á pregunta sobre a primeira personaxe misteriosa do concurso en rede de educaBarrié.

Tratábase de Antoine Lavoisier o creador da Química moderna co que se quixo despedir o Ano Internacional da Química.

Pola súa capacidade de argumentación, a correción na escrita e a rapidez na resposta, Aida Formoso Sánchez alumna de 2º da ESO do C.P.I. Conde de Fenosa en Ares, converteuse na primeira alumna gañadora do concurso.

Desde educaBarrié, próximamente un reporteiro gráfico se acercará até o centro para plasmar nunha imaxe o momento en que se lle fai entrega a Aida do seu ben merecido premio: un xogo de experimentación científico co que pode seguir a senda de Lavoisier.

Desde o noso centro damos os nosos parabéns a Aida e ao profe Xacobo de Toro pola súa gran labor docente e por motivar e animar ao alumnado a adquirir a capacidade de "aprender a aprender".

OS MEDIOS EN GALEGO IMPORTAN. Ensaio sobre a retranca

2012-01-13T13:24:00.002+01:00

Nun ano no que vimos desaparecer A Nosa Terra, Galicia Hoxe, Xornal de Galicia, A Peneira... (seguro que me queda algún), rir un pouco (aínda que sexa de nós mesmos) non nos vén mal. Iso é o que temos que facer logo de ver e escoitar a este auténtico showman chamado Carlos Blanco, usando un dos nosos recursos máis característicos: a retranca. A ver se a súa reivindicación serve de algo.

FINAIS CAMPIONATO FÚTBOL. DECEMBRO

2012-01-04T20:27:00.006+01:00

VIDEO "CARREIRA QUILÓMETROS DE SOLIDARIEDADE"

2011-12-29T17:48:00.007+01:00

Na recadación da actividade “Quilómetros de Solidariedade”, realizada no noso centro neste Nadal, conseguimos a cantidade de 813,15 euros. Estes cartos foron ingresados na conta bancaria da O.N.G. Save the Children.

GRACIÑAS DE NOVO POLA VOSA COLABORACIÓN

CARREIRA "QUILÓMETROS DE SOLIDARIEDADE"

2011-12-23T15:33:00.002+01:00

A pesar do mal tempo que nos acompañou o martes, o milagre fíxose posible e os nos@s rapaces vencendo a choiva e o frío correron no maratón solidario que organizou o noso colexio.
Desde o CPI “Conde de Fenosa” agradecemos a todo o alumnado a participación na carreira “Quilómetros de Solidariedade” e por suposto, a nosa atleta Paula Mayobre por apoiar esta causa e correr cos rapaces e rapazas do noso colexio. Mención especial para os alumnos e alumnas que buscaron patrocinadores entre os profesores/as e tamén fora das aulas, grazas aos cales a recadación superou os 800 euros.
Noraboa a tod@s e grazas pola vosa implicación e solidariedade.

Nota de prensa

Os nosos atletas solidarios

Paula recibindo de máns da directora un agasallo

EXITO DA "OPERACIÓN QUILO" REALIZADA NO NOSO COLEXIO

2011-12-20T00:37:00.004+01:00

Por segundo ano consecutivo o noso colexio realizou a campaña de recollida de alimentos para a Cociña Económica. Recadáronse perto de 600 quilos de alimentos que foron levados, coa colaboración do Concello, ata Ferrol. Grazas a todos e todas: familias, alumnado, profesorado e comunidade educativa en xeral pola vosa aportación, pola vosa solidariedade e polo voso apoio nesta campaña.

Nota de prensa no Diario de Ferrol. www.diariodeferrol.com

CARREIRA SOLIDARIA

2011-12-17T18:22:00.003+01:00

MARATÓN SOLIDARIO: VIII CARREIRA QUILÓMETROS DE SOLIDARIEDADE

2011-12-13T22:28:00.002+01:00

Dende fai 8 anos celébrase en miles de centros educativos de toda España a Carreira Quilómetros de Solidariedade. É unha actividade con dobre finalidade: por unha banda, espertar nos rapaces e rapazas un espírito crítico e solidario cara as inxustizas que afectan a millóns de nenos e nenas de todo o mundo e, por outra banda, recadar fondos para axudar a infancia mais desfavorecida e facer que se respecten os seus dereitos.

O noso centro o CPI “Conde de Fenosa”, está a participar este ano nesta actividade en colaboración coa ONG “Save the Children”, polo que, o martes 20 de decembro, os rapaces de secundaria do noso colexio realizarán un Maratón Solidario facendo un percorrido por Ares.

Cada rapaz e rapaza abonará 1 € por inscribirse na carreira e recibirá un dorsal, un carné de corredor e un diploma acreditativo de participación. Pola súa banda, a recadación das inscricións irá a parar a través de Save the Children a reconstrución de infraestruturas escolares na República Democrática do Congo.

Estaremos acompañados nesta carreira pola atleta aresá Paula Mayobre que apoiará esta causa coa súa presenza , acompañando aos rapaces e rapazas do noso centro.

Agradecemos ao alumnado do noso centro a súa participación e solidariedade e invitamos a todos os pais e nais a que o día 20 saian a rúa a apoiar aos nosos corredores solidarios.

10 DE DECEMBRO: DÍA DOS DEREITOS HUMANOS 2011

2011-12-11T22:45:00.003+01:00

Os dereitos humanos pertencen por igual a cada un de nós e mantéñennos unidos como unha comunidade global cos mesmos ideais e valores. Como unha comunidade global que todos compartimos nun día en común: o Día dos Dereitos Humanos, o 10 de decembro, cando se recorda a creación, fai 63 anos da Declaración Universal dos mesmos.

Despois de tanto tempo, debemos reflexionar sobre si se respectan estes dereitos e o que nós podemos aportar para lograr que sexan universais. Para elo ofrecémosche esta escolma de enlaces.

Materiais Didácticos: Amnistía Internacional

Guía Dereitos Humanos

Educación en valores

Aula Intercultural

OPERACIÓN QUILO DE NADAL 2011

2011-12-10T23:11:00.007+01:00

Solidarios coa Cociña Económica de Ferrol

Tras o éxito acadado coa I Operación Quilo no pasado Nadal, na que grazas á implicación de toda a comunidade educativa (alumnado, pais e nais, profesorado…) conseguimos perto de 500 quilos de alimentos, este ano estamos a planificar a II Operación Quilo de Nadal 2011, unha campaña de recollida de alimentos para colaborar coa Cociña Económica de Ferrol. Esta é unha das institucións benéfico-sociais más importantes da cidade, e o seu comedor alberga diariamente a centos de persoas, que acoden a recibir unha ración de xantar coa que poder subsistir.

Por isto alumnado, profesorado e familias poderán contribuír de maneira voluntaria aportando calquera alimento non perecedeiro, do 1 ao 15 de Decembro. Esperamos a vosa colaboración e que participedes xunto cos vosos/as fillos/as para contribuír a facelos máis solidarios e xenerosos fronte os menos favorecidos.

Grazas pola vosa colaboración

DINAMIZACIÓN E SOCIALIZACIÓN NUNHA CONTORNA RURAL.

2011-12-06T20:24:00.002+01:00

UNHA EXPERIENCIA DE CENTRO

“Dinamización e socialización nunha contorna rural” é o título do relatorio impartido no Curso de Galego para o Funcionariado en Prácticas no CEFORE de Ferrol. A través desta ponencia podemos ver a práctica dinamizadora que o EDLG está levando a cabo no CPI Virxe da Cela, en Monfero (A Coruña).

Dinamización e socialización nunha contorna rural

A LINGUA SABE A PAN

2011-12-04T20:19:00.003+01:00

Deixámosvos aquí este vídeo (Lipdub) que fixeron no CPI Virxe da Saleta, de Cea. Sobre unha idea de Álvaro Cunqueiro, elaboraron a letra de A Lingua Sabe a Pan; a música sobre unha versión de Sweet Home Alabama de Lynyrd Skynyrd, popularizada por Siniestro Total como Miña Terra Galega.

A nosa noraboa!

A Lingua sabe a Pan from cpivirxedasaleta on Vimeo.

RECURSOS PARA TRABALLAR O NADAL NAS AULAS

2011-11-27T17:47:00.003+01:00

A Coordinadora Galega de EDLG vén de poñer á disposición da comunidade educativa unha páxina web dedicada ao Nadal. Deste modo, dende a Coordinadora se nos ofrece unha plataforma web colaborativa que recolle recursos e materiais elaborados nos propios centros escolares. Neste monográfico especial de nadal podedes atopar:

1.- Recursos para traballar nas aulas: escolma de recursos elaborados por docentes, institucións e asociacións. Inclúe unidades didácticas, actividades en liña, manualidades, panxoliñas, contos, modelos de cartas para enviar aos Reis Magos e o Apalpador, o refraneiro, bases de concursos, etc. Agardamos completala coas vosas achegas a correo@coordinadoraendl.org .

O enderezo da páxina é: http://www.coordinadoraendl.org/nadal2011/recursos/index.ph

2.- Postais elaboradas polo alumnado: espazo destinado a recoller as felicitacións feitas polo alumnado que, unha vez dixitalizadas, poden ser enviadas, a través da rede e de modo moi sinxelo, polo propio alumnado e as súas familias para felicitar as festas e o novo ano. O prazo de recepción de postais continuará aberto ata o 19 de decembro.

O enderezo da páxina é: http://www.coordinadoraendl.org/nadal2011/index11.php

Como participar no envío de postais de nadal
View more documents from satelite1

EDUCACIÓN DIXITAL: e-ducando

2011-11-24T16:32:00.003+01:00

Hoxe en día, o uso que os nenos, adolescentes e mozos fan de Internet non pode deixar indiferentes a pais e educadores, xa que se os beneficios son evidentes tamén son moitas as ameazas ás que están expostos mentres navegan. A mellor forma de os protexer é estar informados e aplicar prácticas de seguridade eficientes.

A Asociación Socio-Pedagóxica Galega, a través do dominio http://educaciondixital.as-pg.com facilita información de interese sobre o concepto de educación dixital e temáticas vinculadas. É o proxecto e-ducando, unha iniciativa da Asociación Socio-Pedagóxica galega que pretende abordar a progresiva implantación da educación dixital facilitando un acceso óptimo e seguro das xeracións máis novas ás Tecnoloxías da Información e a Comunicación e, ao mesmo tempo, permitindo un maior coñecemento por parte do conxunto da Sociedade das súas potencialidades e perigos. É un proxecto que se dirixe a toda a sociedade porque toda a sociedade está implicada no proceso educativo e pretende incidir nos aspectos dun cambio necesario que ten que ver máis cos aspectos sociais que cos tecnolóxicos.

Por iso, desde esta asociación invítannos a visitar e-ducando (http://educaciondixital.as-pg.com/) para informarnos, atopar novas sobre a educación dixital,poñer en común recursos dixitais ou buscar os mellores recursos web.

20 DE NOVEMBRO. DÍA INTERNACIONAL DOS DEREITOS DOS NEN@S

2011-11-22T18:24:00.006+01:00

Todos temos dereitos, adultos e nenos. A gran diferenza é que os adultos podemos pelexar por eles, esixir que se cumpran, en cambio os nenos, necesitan de nós para que os seus dereitos se respecten. Os nenos deben ser protexidos e coidados, non só pola súa familia e o seu grupo primario, polo Estado, polos políticos, pola cidadanía enteira. Os dereitos dos nenos son tan amplos como amplos son os aspectos dunha vida, teñen dereito a estudar, a vivir en condicións dignas, a que se coide da súa saúde (física e mental), a ser alimentados e sobre todo amados. Cada un de nós, seguramente desde o seu lugar, tenta que estes dereitos sexan respectados, pero non sempre a realidade permite que iso se cumpra. As políticas de seguridade social, saúde, educación moitas veces non contemplan estes dereitos básicos. É un deber de todos coñecer cales son os dereitos que os nosos mozos teñen porque, coñecendo, é máis fácil loitar por que todos gocen deles.

O alumnado da ESO reflexionou sobre o tema realizando diversas actividades como murais, power points e videos. Aquí podedes ver unha mostra do seu traballo.

CONCURSO DE PRESENTACIÓNS ELECTRÓNICAS PARA FELICITAR O NADAL

2011-11-17T11:27:00.002+01:00

A Secretaría Xeral de Política Lingüística convoca un concurso de presentacións electrónicas para felicitar o Nadal en lingua galega. Logo da ampla participación acadada na primeira edición da iniciativa, con máis dun cento de propostas recibidas, a secretaría xeral pon de novo en marcha este concurso, co que busca promover a presenza do galego na comunicación propia das festas de Nadal e tamén no ámbito das tecnoloxías.

Os traballos que participen no concurso deben facer referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral. Ademais do tema, valorarase o enxeño e o coidado estético e lingüístico das propostas.

Aquí vos deixamos as bases.

Bases concurso presentelect_2011

View more documents from satelite1

Actividades de outono, samaín e magosto no cole. Os protagonistas, o alumnado de infantil e primaria.

2011-11-15T19:46:00.006+01:00

Chega o outono e con el as castañas, as caveiras de melón, os calacús, os cogumelos, os froitos de inverno; chegan as augas e mergullámonos no inverno, vaise a calor e vén o frío: son os tempos do Samaín. A que isto escribe pasou esta semana a facer unha visitiña por infantil e primaria e a verdade que quedei abraiada por todas as cousas que @s profes xunto cos seus alumn@s estiveron a facer.

Nas seguintes presentacións podedes ver as actividades que os nenos e nenas de infantil e primaria do noso cole, fixeron neste outono para celebrar o samaín e o magosto.

ACTIVIDADE PARA A CONMEMORACIÓN DO II DÍA DA CIENCIA

2011-11-11T23:17:00.015+01:00

Con motivo da Semana da Ciencia en galego, o noso profe de ciencias Xacobo organizou unha actividade co obxectivo de consolidar o emprego da nosa lingua no eido científico e amosar tamén que a ciencia pode ser divertida.

Os rapaces e rapazas de 2º da ESO prepararon por parellas unha serie de experimentos científicos super divertidos e presentáronllelos aos compañeiros doutros niveis nun obradoiro científico-práctico.

Experimentos como flota ou afunde, os mistos veloces, as tres capas flotantes, o globo resistente ou o moco louco foron algúns dos experimentos que puxeron en práctica os nosos aplicados científicos.

A verdade é que foi unha actividade moi interesante. Aquí tendes algunhas imaxes dos obradoiros.

Tamén vos deixamos un video dos experimentos realizados polos alumnos e alumnas de 2º da ESO:

VISITA A SOGAMA

2011-11-10T11:49:00.003+01:00

Onte o alumnado de 5º de E.P. fixemos unha visita a Sogama. Vimos todo o proceso de selección do lixo. Para iso tivemos que usar mascarillas e cascos; xa vedes que estamos moi favorecidos nas fotos. Unha das cousas que nos explicaron foron "os tres R" ( redución, reutilización e reciclaxe), e tamén como temos que seleccionar os nosos residuos.

Despois da visita fomos a Cerceda ao Aquapark

APLICACIÓNS DA INVESTIGACIÓN XENÉTICA

2011-11-07T11:52:00.004+01:00

"Aplicacións da investigación xenética: o seu uso na práctica policial" é o título da segunda videoconferencia organizada pola CGEDLG con motivo da celebración do II Día da Ciencia en Galego, impartida por Ángel Carracedo, Catedrático de Medicina Legal e director do Instituto de Medicina Legal e do Grupo de Medicina Xenómica da USC .Esta segunda videoconferencia tivo lugar de 12:30 a 13:30 horas o venres 4 de novembro de 2011, e a ela asistíu o alumnado de 4º da ESO. Unha introdución sobre o ADN foi o punto de partida para achegar as aplicacións da xenética no campo da investigación forense, área no que os grupos de investigadores liderados por Ángel Carracedo lideran a produción científica mundial. De novo, tras a conferencia, o alumnado tivo a oportunidade de lanzar a súas preguntas a través dun chat.

Folleto ángel carracedo cpi a picota de mazaricos

View more presentations from satelite1

ANO INTERNACIONAL DAS ÁRBORES

2011-11-07T11:48:00.006+01:00

"Sabes por que 2011 é o Ano Internacional dos Bosques?" é a pregunta a través da cal Mª Isabel Fraga Vila, profesora e membro da cátedra de Botánica da USC e directora do Museo de Historia Natural da universidade, introduciu a súa ponencia, enmarcada dentro das actividades promovidas pola CGEDLG para celebrar o II Día da Ciencia en Galego. O alumnado de 1º da ESO asistíu a esta videoconferencia que tivo lugar entre as 10:30 e 11:30 da mañá do venres 4 de novembro de 2011. Tras a interesante charla sobre os bosques como parte integrante do desenvolvemento sostible do planeta e os seus beneficios económicos, socioculturais e ambientais, o alumnado tivo a oportunidade de interactuar formulando preguntas a través dun chat, que Mª Isabel Fraga Vila foi respondendo dunha maneira moi didáctica. Tanto o alumnado como o profesorado participante nesta actividade mostrou o seu interese por repetir. Os nosos parabéns á CGEDLG!!!

Ano internacional dos bosques

View more documents from satelite1

Aquí vemos ao alumnado de 1º da ESO na videoconferencia

E CO OUTONO CHEGA O MAGOSTO

2011-11-05T22:36:00.008+01:00

Presentación sobre o magosto e a súa orixe.(Picade enriba para vela en grande)

E co outono… chega o magosto

Publish at Calaméo or browse others.

Unha cantiga para a festividade do Samaín

2011-10-21T22:58:00.006+02:00

Samaín, o misterio chega co Samaín,

as cabazas, os morcegos,

bruxas polo ceo,

o misterio chega co Samaín. (bis)

Lúa chea no balcón,

mil estrela arredor,

bailan aquelarre,

ósos e melóns. (bis)

Samaín, o misterio chega co Samaín,

as cabazas, os morcegos,

bruxas polo ceo,

o misterio chega co Samaín. (bis)

As caveiras atopar

nos cruceiros do lugar,

faremos meigallos

para nos salvar. (bis)

Samaín, o misterio chega co Samaín,

as cabazas, os morcegos,

bruxas polo ceo,

o misterio chega co Samaín. (bis)

É tempo de Samaín

2011-10-13T12:09:00.005+02:00

Chega o outono e con el as castañas, as caveiras de melón, os calacús, as abóboras; chegan as augas e os tempos escuros, remata o verán e mergullámonos no inverno, vaise a calor e vén o frío: acaban as romerías ao sol e inícianse os fiadeiros ao carón do lume: son os tempos do Samaín.

Coñeces a tradición do Samaín? Neste blogue de Vieiros tes unha morea de curiosidades. Preme na imaxe de abaixo para entrar nel.

Xa esta aquí o II día da ciencia en Galego (Venres, 4 de novembro de 2011). Este ano, a Química fala galego.

2011-10-11T10:46:00.004+02:00

O día 4 de novembro de 2011 celebraremos o II Día da Ciencia en Galego dedicado a exaltar o papel da Ciencia e da Tecnoloxía na creación e profusión da Cultura Galega. A actividade realízase en toda Galicia o mesmo día.

Este ano celébrase o Ano Internacional da Química. Conmemórase o premio Nobel de Química concedido a Marie Curie no 1911 polo seus descubrimentos dos novos elementos Radio e Polonio. Marie Curie é a primeira persoa que recibe dous premios nobeis (de Física e Química), e posteriormente só houbo outra persoa. É a primeira muller que recibe un premio Nobel, é a primeira muller que dá clases na Universidade da Sorbona,... fai os seus descubrimentos estando fóra da Universidade, antes de que sexa nomeada profesora, e tendo dúas fillas (unha delas premio Nobel, tamén). Razóns de sobra para homenaxeala neste día Galego da Ciencia.

Así, o 4 de novembro homenaxéase a Marie Curie e á matemática galega Mª Wonenburger, facendo tamén unha homenaxe ás primeiras mulleres que dan clase, fan ciencia, e cambian para sempre a maneira de ver o papel da muller na ciencia.

Na wikipedia galega podemos ler: Marie Curie e Mª Wonenburger

Desde aquí propoñemos unha serie de experimentos super-divertidos para que todos os realicedes. Atrevédevos.

II Día da Ciencia en Galego

View more documents from Yolanda Castro López.

COMO FACER UN TRABALLO DE INVESTIGACIÓN

2011-10-05T17:56:00.005+02:00

Comezado o curso, de seguro que en mais dunha materia teredes que facer algún traballo de investigación por iso aquí vos deixamos algunhas recomendacións para súa elaboración.
Dirixido aos nosos alumnos e alumnas de primaria e secundaria.
Picade sobre a imaxe para ver a presentación ampliada

ACTUACIÓN DO MAGO BENXAMÍN

2011-10-04T17:22:00.001+02:00

O pasado venres día 30 no local do Casino de Ares,todo o alumnado do cole gozou coa actuación do mago Benxamín. Esta actividade estivo organizada polo Anpa do noso centro e tanto rapaces/as como profes disfrutaron cos números de maxia de Benxamín.

NAVEGA CON RUMBO

2011-09-29T00:23:00.008+02:00

A Internet representa un mundo de posibilidades para o lecer e a aprendizaxe pero tamén supón unha serie de riscos, como son os contidos inapropiados ou a facilidade de contacto con persoas. Se queres coñecelos e ao mesmo tempo divertirte, pica na foto.

PARA QUE SERVE O GALEGO

2011-09-28T23:53:00.005+02:00

Unha fermosa reflexión que atopamos na rede e coa que nos comprace iniciar o novo curso:

DESCARGA GRATUITA DE CALENDARIOS

2011-09-26T22:33:00.006+02:00

Se queredes descargar calendarios para anotar os vosos exames, as datas de interese ou ir riscando os días que pasan para que cheguen as próximas vacacións, só tedes que picar nos enlaces seguintes e descargalos.

Calendario de xaneiro a xuño ( Para anotar os exames)

Caledario do curso 2011-2012 (Datas importantes)

...BENVID@S AO NOVO CURSO ESCOLAR 2011-2012

2011-09-18T20:48:00.008+02:00

Xa pasaron as vacacións e, de novo, o colexio abre as súas portas. Empezamos un novo curso, con moitos proxectos, moitas cousas fantásticas que aprender xuntos e tamén con moito traballo.

Un curso máis cargado de ilusión, con moitas ganas de levar a bo termo os proxectos do noso Centro, no que esperamos seguir como ata agora contando coa vosa axuda e colaboración.

Periodicamente irán aparecendo no noso blogue, novas entradas que esperamos vaiades lendo e comentando. Parécenos que pode ser útil para todos.

Por iso, a todos, pais e nais, mestres e mestras,profesores e profesoras e, en especial, a todo o noso alumnado

FELIZ CURSO 2011-2012!

Ánimo..., estudar e gozar no voso centro educativo.

E agora, que mellor maneira de empezar que lendo un poema e escoitando unha versión do mesmo cantada polo cantautor galego Luís Emilio Batallán. É unha pequena homenaxe a un dos nosos grandes escritores galegos, Álvaro Cunqueiro.

Espero que vos guste e vos anime a ler algo máis deste gran xenio da nosa literatura.

QUEN PUIDERA NAMORALA

No niño no vó do vento
hai unha pomba dourada.

Quen puidera namorala
quen puidera namorala, meu amigo.

Canta o luar e o mencer
en frauta de verde olivo.

Quen puidera namorala
quen puidera namorala, meu amigo.

Ten aires de frol recente
e cousas de recen casada.

Quen puidera namorala
quen puidera namorala, meu amigo.

Tamen ten sombra de sombra
e andar primeiro de rio.

Quen puidera namorala
quen puidera namorala, meu amigo

A. Cunqueiro.

TRABALLOS FEITOS POLO ALUMNADO DO NOSO CENTRO NA MATERIA DE TECNOLOXÍA

2011-07-09T16:24:00.006+02:00

Aquí podedes ver os traballos que o alumnado da ESO realizou na materia de tecnoloxía. Sinalar ademais que neste curso os alumnos/as de 3º e 4º da ESO acadaron o 1º Premio no concurso de robótica de Galicia organizado por IGACIENCIA na localidade lucense de Burela.

Por último destacar a mención especial no "I Concurso da Incubadora de Sondaxes e Experimentos" organizado pola SGAPEIO ao traballo ‘Estudo de mercado: viabilidade da venda de bocadillos e bebidas nos recreos’ da autoría de Almudena Sar Coira, Julia Muíños Marcos, Borja Vilasánchez Rodriguez e Alejandra Díaz Martínez e coa profesora de tecnoloxía María Estraviz Lourido como titora. Podedes ver a noticia picando no seguinte enlace: http://xornal.usc.es/xornal/acontece/2011_06/noticia_0113.html

Recoñecemento aos alumnos/as do noso centro

2011-06-24T23:59:00.005+02:00

O pasado mércores tivemos no salón de actos do noso colexio unha xornada moi emotiva. Dita xornada consistíu nun acto de recoñecemento a varios alumnos/as destacados do noso centro.

Por unha banda a Comunidade Educativa do CPI "Conde de Fenosa" rendíu un afectivo homenaxe a Benjamín Fernández Barros, o noso Benji, que foi premiado pola Xunta de Galicia co Premio ao Esforzo e á Superación Persoal (2009-2010).

Tamén tivemos como protagonistas aos finalistas do Concurso de relato curto en galego organizado por Coca-Cola: Marina García Canedo, Julián Sixto Sánchez e Roberto Rivas Couce. Ademais Xaime Redondo Castro de 4º ESO recibíu de máns de representantes da ANPA o premio como gañador do II Concurso de Fotografía organizado pola ANPA en colaboración co noso centro.

Por último destacar a mención especial no "I Concurso da Incubadora de Sondaxes e Experimentos" organizado pola SGAPEIO ao traballo ‘Estudo de mercado: viabilidade da venda de bocadillos e bebidas nos recreos’ da autoría de Almudena Sar Coira, Julia Muíños Marcos, Borja Vilasánchez Rodriguez e Alejandra Díaz Martínez e con María Estraviz Lourido como titora. Podedes ver a noticia picando no seguinte enlace: http://xornal.usc.es/xornal/acontece/2011_06/noticia_0113.html

Felicidades por todos os logros acadados e en hora boa a todas e todos os premiados.

Homenaxe a Benji

Xaime recibindo o premio de máns das representantes da ANPA

Os finalistas do Concurso de relatos xunto a Luisa a súa profe de galego

Por fin!! As fotos dos gañadores e gañadora do concurso de Coca-Cola "relato curto en galego"

2011-06-22T16:57:00.006+02:00

Marina recibiu un segundo premio.

A Julián premiárono con un cuarto premio

Roberto recibiu un sexto premio

UN ÉXITO ROTUNDO DOS VOSOS COMPAÑEIROS.

LEMOS E DEBUXAMOS NA NOSA BIBLIOTECA

2011-06-10T11:24:00.007+02:00

Gústanos ler e debuxar cos nosos novos libros da biblioteca.

2011-06-09T20:01:00.017+02:00

A AVENTURA DE LER EN GALEGO

NO CORAZÓN DO BOSQUE

A ODISEA

A LECTURA...UNHA PORTA ABERTA A IMAXINACIÓN

ENTREGA DE PREMIOS II EDICIÓN DO PREGUNTÓN

2011-06-09T18:09:00.005+02:00

Noraboa aos gañadores e participantes da II Edición do Preguntón.

Blanca, a xefa de estudos entrega o premio aos gañadores, Martín e Julián de 2º da ESO

Algúns dos finalistas de esta 2º edición do Preguntón

2011-05-31T12:40:00.009+02:00

Serafín Marcos demostra empiricamente que Lois Pereiro aínda vive connosco

Lois Pereiro ofrece unha poesía profunda, difícil, hermética que distancia os lectores e evita unha identificación inmediata e directa. Esa é a percepción que recollemos todos. Ben, todos non, Serafín Marcos, non. Este home, que xa é a segunda vez que nos visita, é un mago da poesía. Capta a esencia da mensaxe, o ritmo musical de cada verso, a plasticidade da idea, …

A sorpresa, o ritmo frenético, a combinación de recursos (escenificación, imaxes, música, movemento, …) convértese nunha estratexia modelo para achegar a poesiá ao alumnado. Xamais pasa de incógnito a interpretación de Serafín. O rabecho de pelo que nos deixa cada ano redondea una performance xenial.

Ánimo, Serafín!! Sigue con esa enerxía transgresora.

O vídeo da actuación é unha excelente mostra do seu xenio artístico.

LAURA ENTREVISTA AO NOSO DIRECTOR QUE ESTE ANO SE XUBILA

2011-05-24T14:40:00.003+02:00

Este é o derradeiro curso académico no que imos contar coa presenza do noso director José Freire que nos acompañou durante moitos anos. José deixa a dirección e a docencia despois de trinta e catro anos no noso centro. Comeza así unha merecida etapa de descanso, que non de inactividade, xa que de seguro se entregará ao resto das súas paixóns con xúbilo, que é como debe entenderse toda xubilación.

Laura Pita, alumna de 1º da ESO entrevistou a Freire como cariñosamente se lle chama, e aquí tedes a fantástica entrevista da nosa reporteira.

L: Freire é o noso director e este ano xubílase depois de moitos anos traballando neste colexio. Ademais de director é profesor de "mates" en 1º e 2º da ESO. Pedímoslle que nos contestase unhas preguntiñas e el moi amablemente accedeu.

L: Bo día Freire!. Comezamos a entrevista con unha preguntiña moi sinxela.Cantos anos levas traballando no "Conde de Fenosa"?.

F: Levo traballando neste centro nada máis e nada menos que 34 anos, que se di moi pronto...

L: Cal foi o mellor recordo do teu traballo e o peor?.

F: O mellor recordo, rematar cunha tarefa que intentei facer o mellor posible e con toda a ilusión. O peor, algúns momentos difíciles nos que hai que resolver problemas graves como faltas de espazo no centro, falta de profesores, falta de limpieza...

L: Que che gusta máis, ser director ou profesor?.

F: Unha cousa non pode ir sen a outra. Un director sen ser profesor non se enteraría de nada. Pero ante todo son profesor.

L: Que pensas facer despois de xubilarte?

F: Despois de xubilarme teño pensado facer moitas actividades. A verdade é que xa estou inmerso en moitas delas polo que continuarei coas mesmas, pero agora con máis calma e máis tempo.

L: Virás algunha vez a vernos?.

F: Por suposto que virei, máis dunha vez.

L: Hai algunha diferenza entre os alumnos de agora e os de cando empezaches a traballar?.

F: Si que hai moita diferenza sobre todo en como ocupan o tempo de lecer. Antes non había ordenadores, móbiles nin internet. Iso marca moito, tanto á hora de ocupar o tempo libre como á hora dos estudos. Que sería de v´ss se vos quitasen todo iso?. En fin... pero hai que recoñecer que sempre houbo alumnos bos, máis bos e menos bos.

L: Cóntanos algunha anecdota que che acontecese nestes anos que levas traballando?.

F: Ao longo da miña traxectoria profesional houbo moitas anecdotas. É anecdótico por exemplo que alumnos meus estean dando clases como profesores no noso centro. E tamén é curioso que a veces os alumnos que foron mais "cacos" no seu tempo, son os que agora veñen a dicir que lles metamos caña aos seus fillos para que se comporten ben...

L: Aquí remata a entrevista. Gustaríache contar algo máis?.

F: Pois si, o que quero recordar cando me vaia é a parte positiva e bonita de toda a miña traxectoria, e todo o tempo que estiven no CPI “Conde de Fenosa”.

Por último quero agradecerlle a toda a comunidade educativa o seu apoio e colaboración en todos este anos.

GAÑADORES Concurso Coca-Cola

2011-05-22T23:42:00.015+02:00

Vox audita perit; litera scripta manet

(A palabra oída perece; a palabra escrita permanece)

Seguro que moitos e moitas de vós xa sabiades que catro alumnos de 2º da ESO do noso centro se presentaron ao concurso novos talentos de relato curto en galego que patrocina Coca Cola, pois si, tivemos catro talentos que se presentaron ao concurso e tres deles clasificáronse na fase provincial.

Marina, Roberto e Julián recibirán o seu merecido premio o día 27 en Compostela nun lugar emblemático, O Museo do Pobo Galego. Polo momento descoñecemos en que consiste o premio, a intriga manterase ata o final; ademais, ese mesmo día, desvelarán quen é a gañadora ou gañador autonómico e, quen sabe o que ocorrerá? De certo que calquera dos vosos compañeiros pode optar a este premio que supoñería un recoñecemento ao seu talento e traballo.

Coido que non é preciso que repita, o que con frecuencia vos digo: sodes moi bos. Este é momento de recordárvolo, non si?

Para Laura: Participar xa é gañar. Samuel Beckett dicía: "As palabras son todo o que temos". Ti tes a palabra, seguro que non tiveches o momento. As palabras son moito máis importantes que o momento, porque este perece, pero a palabra permanece.

DÍA DAS LETRAS GALEGAS NO NOSO CENTRO

2011-05-20T13:10:00.013+02:00

Con motivo do día das letras galegas, os nenos e nenas de educación primaria fixemos un montón de traballos, estes son algúns exemplos:

Os nenos e nenas de infantil tamén fixeron un bonito mural para conmemorar o Día das letras galegas. Aquí tedes o seu fantástico traballo.

LETRAS GALEGAS 2011

2011-05-03T10:56:00.013+02:00

Este ano o Día das Letras Galegas está adicado a Lois Pereiro.

Lois Pereiro, nado en Monforte de Lemos en febreiro de 1958, está considerado un mito da poesía galega contemporánea. Formou parte do denominado Grupo de Amor e Desamor, un conxunto de dez poetas da talla de Pilar Pallarés, Lino Braxe, Manuel Rivas, Mato Fondo, Xavier Seoane, Fenán-Vello... A súa obra fai del un autor de culto e representa a renovación e o achegamento aos lectores máis novos.

Para saber mais sobre Lois, tesdes aquí unha serie de ligazóns coa súa biografía, recursos didácticos e demais. Só tedes que picar enriba deles.

Aquí vos deixamos dúas presentacións sobre a vida e obra de Lois Pereiro. Picade enriba delas para velas en grande.

Boletín Lois Pereiro 2011

Publish at Calaméo or browse others.

Actividade para facer sobre a vida e obra de Lois Pereiro

REMATOU O PREGUNTÓN 2011

2011-05-03T10:27:00.007+02:00

Parabéns a todos/as queridos preguntóns, fixéstelo moi ben.

Noraboa aos alumnos/as gañadores/as e a todos os que participáchedes nesta segunda edición do preguntón. Gracias polo voso interese, polo voso ánimo e pola vosa curiosidade de "preguntóns".

Gañadores: Martín Pérez Sarmiento e Julián Sixto Sánchez (2º ESO)

Finalistas: Yanira Vázquez Monzón e Clara Morado Morgade (1º ESO)

Os premios entregaránse en maio, coincidindo coa semana das Letras Galegas

2011-04-26T12:29:00.002+02:00

Ese García...

A esencia popular e universal do RAP

O día 14 de abril recibimos no Centro ao rapeiro García, integrante do grupo musical Dios Ke Te Crew. Dende as doce da mañá departiu cos rapaces de 4º da ESO sobre a música HIP-HOP. Na primeira parte do obradoiro achegounos á orixe e historia do movemento musical, insistiu na idea de fenómeno social, de xeito de vivir, de entender o mundo no que vivimos, xa na segunda, deleitounos coas súas creacións espontáneas e dispúxonos á escrita dunha canción de RAP.

A espontaneidade, o manexo do escenario, a linguaxe directa fixeron do obradoiro unha experiencia agradable e enriquecedora.

Tamén nos avanzou que o grupo está a sacar un novo disco. Agardámolo. Para gozar coa súa música podemos acudir a http://www.myspace.com/diosketecrew

Esta actividade contou coa organización e apoio dos departamentos de Música, Dinamización Lingüística e Lingua Galega.

García rapeando

O alumnado disfrutando co obradoiro

Os alunmn@s en grupos tamén crearon o seu propio rap

García con Mateo e Miguel

2011-04-15T20:22:00.011+02:00

FACENDO UN "STORY BOARD"

Os departamentos de Artes Plásticas e Lingua Galega fixemos un “storyboard” en 3º de ESO baseada no conto O neno suicida, do libro Os arquivos do trasno de Rafael Dieste.

Un story board é o desenvolvemento dunha historia visualmente, empregando a linguaxe de planos do cine e máis o debuxo (cómic), como procedemento básico. Polo xeral se debuxa e colorea a man e o seu obxectivo é o de servir de guía para entender unha historia, previsualizar unha animación ou seguir a estrutura dunha película antes de realizarse ou filmarse. Vai tamén acompañado dun pequeno texto que inclúe parte do guión técnico. Este traballo, como anotabamos antes, é o paso previo á rodaxe dunha película e é necesario para previsualizar o guión ou partes do mesmo. Deste xeito detéctanse erros, descúbrense posibilidades, etc. En definitiva, afórranse custos e tempo á hora de facer unha película.

Esto que podedes ver é o resultado despois de estudar outros story board de escenas de cine clásico e de facer moitos bocetos . Picade enriba da presentación para velo en grande.

O neno suicida de Rafel Dieste

Dos arquivos do trasno. O neno suicida

O neno suicida de Rafael Dieste

O neno suicida

O neno suicida de Rafale Dieste

SAME 2011 no CPI “Conde de Fenosa”: A educación non é un conto, polos dereitos das nenas e as mulleres

2011-04-10T17:46:00.003+02:00

Desde o noso centro queremos unirnos á Campaña Mundial pola Educación e ás accións da SAME 2011.

Baixo o lema A EDUCACIÓN NON É UN CONTO: POLOS DEREITOS DAS NENAS E As MULLERES, millóns de persoas en todo o mundo mobilizarémonos para lembrar aos líderes políticos as dificultades que millóns de nenas e mulleres teñen para acceder a unha educación de calidade e para pedirlles que tamén lembren e cumpran o seu compromiso de destinar os recursos necesarios para facer realidade a Educación para Todos e Todas en 2015.

Para iso, a actividade central da SAME 2011 consistirá na GRANDE HISTORIA, é dicir, na elaboración dun gran libro de contos escritos por alumnos, alumnas, docentes e personalidades destacadas do mundo da interpretación nos que se reflicta como o acceso á educación -ou a falla desta- poden marcar a vida das mulleres e das nenas. Unha Grande Historia, que fale sobre os dereitos das nenas e as mulleres e como a oportunidade para ir á escola cambiou o rumbo das súas vidas.

Axúdanos a mostrar que a educación de calidade é necesaria para todos e todas.

Como podes facelo:

• Podes enviar o teu conto a: a.gomez@entreculturas.org, e quedará colgado aquí na nosa páxina web. Así mesmo, tamén a colgaremos, se non o fixeches ti mesmo, na páxina internacional da CME.

• Podes colgar ti mesmo o relato a través da páxina internacional da Campaña Mundial pola educación, http://www.cme-espana.org/: Como? Só tes que asinar (Sign Up), escribir os teus datos (como persoa particular ou como profesor-organizador) e escribir unha pequena historia que quedará reflectida. Así poderás ler tamén as diferentes historias que se escribiron nos demais países.

Cantos máis relatos teñamos en todo o mundo máis alto e máis claro quedará a mensaxe!

PREGUNTÓN DO VENRES 8 DE ABRIL

2011-04-08T15:57:00.000+02:00

Ben, rapaces e rapazas aquí tedes as últimas preguntiñas do preguntón. Animo que xa remataaaa!!!!!

1ª Pregunta

2ª Pregunta

PREGUNTÓN DO MARTES 2 DE ABRIL

2011-04-04T21:40:00.002+02:00

Veña rapaces que xa non queda nada para rematar o preguntón deste ano, ánimo!!!!

1ª Pregunta

2ª Pregunta

Preguntón do venres 1 de abril

2011-04-02T18:20:00.002+02:00

Pregunta 1. Un hakerpunto

Pregunta 2: Tres super puntos

Preguntón do martes 29 de marzo

2011-03-29T09:57:00.002+02:00

1ª Pregunta

2ª Pregunta: Dous Super Tiranosauriuspuntos

PARTICIPAMOS NA SEMANA MUNDIAL POLA EDUCACIÓN

2011-03-26T13:14:00.000+01:00

PREGUNTÓN DO VENRES 25 DE MARZO

2011-03-25T20:49:00.004+01:00

Pregunta 1

Pregunta 2. Tres super puntos

O MAR DA FIN DO MUNDO: O reino dos cefalóposos

2011-03-25T13:18:00.001+01:00

Desde política lingüística mándannos un material para traballar en galego a área de ciencias.

O documental é unha interesante produción audiovisual que permite abordar en galego, e contextualizados en galicia, os contidos curriculares propios do ámbito científico. Se estades interesados podedes acceder ao DVD a través da biblioteca.

O ALUMNADO DO NOSO COLE CELEBRA O DÍA DA ÁRBORE

2011-03-22T20:29:00.007+01:00

Ares recupera a tradición de que os escolares planten árbores o "Día da árbore "como nos enseñou D. Federico... O amigo das árbores... Un home bo e xeneroso...

Esta actividade feita pola Anpa, coa colaboración do Concello e do colexio contou coa participación dos alumnos e alumnas de 3º, 5º e 6º de primaria. Estes desplazaronse ata o Parque Rosalía de Castro onde plantaron e apadriñaron diversas árbores que recibiron nomes de escritores gallegos: Rosalía de Castro, Celso Emilio Ferreiro, Ramón Cabanillas, Ánxel Fole, Camilo José Cela, Curros Enríquez, Castelao ou Eduardo Pondal entre outros.

Preguntón do martes 21 de marzo

2011-03-21T21:13:00.004+01:00

DESCARGA GRATUITA DE CALENDARIOS

2011-03-21T16:14:00.003+01:00

Se queredes descargar calendarios para anotar os vosos exames, as datas de interese ou ir tachando os días que pasan para que cheguen as próximas vacacións, so tedes que picar nos enlaces seguintes e descargalos.

Calendario de xaneiro a xuño ( Para anotar os exames)

Caledario do curso 2010-2011 (Datas importantes)

Preguntón do venres 18 de marzo

2011-03-18T13:15:00.000+01:00

VISITOUNOS ANXO FARIÑA

2011-03-15T18:44:00.005+01:00

Xa vedes, retrasámonos "algo" en comentarmos a visita de Anxo Fariña do día 22.

O obradoiro que este ilustrador presentou enmárcase, como el mesmo vos lembrou, no programa Bocaberta e titúlase Ti creas a historia. Para impartir este obradoiro-conferencia, o ilustrador baseouse na lectura do primeiro libro dos Megatoxos: Os Megatoxos e o aprendiz de druída. Todos e todas vós lestes este libro, e algúns, os outros dous títulos desta colección que están publicados.

Lembrades que nos aprendeu? Aprendeunos a crear os elementos dunha historia, especialmente os personaxes, e animouvos a enviarlle as vosas ideas sobre lugares, personaxes, obxectos máxicos, etc., que poida utilizar na próxima entrega.

O proceso de achega de materiais poderédelo seguir no blog www.megatoxos.com e rematará coa creación dunha historieta baseada nas ideas recollidas entre os rapaces e rapazas de todos os centros que Anxo Fariña visite.

ANIMÁDEVOS A PARTICIPAR, tiñades boas ideas. Se queredes participar, só tedes que achegar o material que elaboredes ao enderezo que aparece arriba.

Foi unha actividade divertida e deixounos impresionados coa súa facilidade para debuxar un personaxe cun par de liñas.

Preguntón do martes 15 de marzo

2011-03-14T20:26:00.000+01:00

ABRAHAAM CARREIRO, O ILUSTRADOR

2011-03-14T19:02:00.009+01:00

O 3º CICLO DE E.P. VIVIMOS O XOVES 10 DE MARZO UNS MOMENTOS MÁXICOS .
VISITOUNOS O ILUSTRADOR ABRAHAM CARREIRO.
DEIXOUNOS A TODOS BOCABERTOS VENDO O RÁPIDO E O BEN QUE NOS DEBUXABA DIVERSOS PERSONAXES . CREO QUE TODOS, INCLUÍDOS OS MESTRES SENTIMOS UNHA POUCA DE ENVEXA (SÁ,POR CERTO).
EXPLICOUNOS TAMÉN COMO TEMOS QUE COLOREAR, CANDO USAR CORES FRÍAS OU CÁLIDAS.

ENTROIDO EN PRIMARIA E INFANTIL

2011-03-14T18:56:00.013+01:00

Xa de novo nos pasou o entroido.
Este ano estivo referido a temas do mar.
Uns fomos de peixes. outros de barcos, de pescadores.....
Pasámolo moi ben xa na súa elaboración, coma sempre con bastante traballo. A sorte foi que fixo moi bo tempo e poidemos saír sen medo a choiva.
Cumprimos todolos mandados previos:
1. Animais pendurados no cinto.
2. A cara pintada con motivos mariños.
3. Traer algunha roupa azul.
Como veremos nalgunha fotos todo esto cumpliuse ben por todolos nenos

O ALUMNADO DE SECUNDARIA TAMÉN DISFRUTOU DO ENTROIDO

Os alumnos e alumnas de secundaria tamén puxeron o seu maxín a funcionar para confeccionar os seus disfraces e facer as súas actuacións e coreografías de entroido. Facer unha mención especial aos profes Luisa, Xacobo e María polos seus magníficos disfraces e o seu bo sentido do humor.

Aquí vos deixamos unha mostra gráfica de evento.

O SABOR DA AVENTURA ESTÁ NO MAR

2011-03-14T18:49:00.006+01:00

Hai uns días tivemos unhas charlas interactivas para animarnos a incluír o peixe na nosa alimentación (mediente a Deputación ). Foi moi divertido.
Tamén nos trouxeron menús para degustar, a base de peixe, para o comedor escolar.
Faláronnos de distintas especies e o que nos aporta cada unha delas.

PREGUNTÓN DO VENRES 11 DE MARZO

2011-03-10T22:39:00.001+01:00

Pregunta 1. Un pouco de lóxica

Pregunta 2. Vai de ecuacións

O martes 8 de marzo celebramos o Día dos Dereitos das Mulleres

2011-03-09T13:56:00.001+01:00

A que soa o de muller traballadora?

Non pensades que é un adxectivo absurdo, cando se aplica á muller?

As mulleres son todas traballadoras e como sabemos cunha carga laboral que supera amplamente á dos homes en moitos aspectos.

A única maneira de chegar a unha igualdade entre homes e mulleres, recollida en numerosas constitucións do mundo é, desde a educación , unha educación en valores, igualitaria e non sexista.

A educación na igualdade, a información veraz e a xustiza social permitirán que nos desenvolvamos como persoas libres; libres para sentir, pensar e actuar por nós mesmos, sen o sometemento duns sobre outros.

Non podemos deixar este 8 de marzo sen mostrar o noso máis absoluto rexeitamento á violencia que causa tantas mortes de mulleres, pola súa condición de tales. Este “terrorismo afectivo” derivado dos conceptos patriarcales de posesión, podería combaterse cunha coeducación efectiva familia-escola encamiñada á consideración de todas as persoas por igual, sen distinción de sexos.

PREGUNTAS DO MARTES 8 DE MARZO

2011-03-07T23:04:00.001+01:00

Olaaa... aqui vos deixamos as preguntas deste martes.

PREGUNTAS DO VENRES 4 DE MARZO

2011-03-03T23:40:00.002+01:00

Ola, queridos preguntóns...aquí tedes as preguntas do venres. Veña, que son moi sinxelas.

COMEZA O PREGUNTÓN

2011-02-28T20:34:00.004+01:00

Ola amigos e amigas "preguntóns", xa estamos aquí de novo co noso concurso estrela. Sei que este ano estades mais que preparados e motivados para contestar a todas as preguntas que vaiamos colgando. Aqui vos deixamos as primeiras correspondentes a este martes 1 de marzo. Xa vedes que estas son moi sinxelas, pero non vos preocupedes que haberá sorpresas....

Vamos... preparados, listos, xaaaaaa!!!!!

Xa está aquí o Entroido

2011-02-23T07:05:00.002+01:00

Si queredes saber mais sobre o Entroido picade no seguinte enlace:

http://www.coordinadoraendl.org/2011entroido/index.php,aquí encontraredes toda a información que precisedes así coma

cazas do tesouro, xogos, léxicos, receitarios,manualidades (plantillas de máscaras e antifaces, láminas para colorear, etc.); e literatura relacionada con esta celebración.

LEMBRADES QUEN VÉN O 23? ANXO FARIÑA!!!

2011-02-19T18:50:00.006+01:00

NON ESQUEZADES APUNTAR AS VOSAS PREGUNTAS. ATA LLE PODEDES ENSINAR OS DEBUXOS QUE FIXESTES DOS SEUS DEBUXOS!
DEIXAMOS ALGUNHAS DAS ÚLTIMAS FOTOS QUE APARECEN NO SEU BLOG, PERO TAMÉN PODEDES BOTARLLES UNHA OLLADA ÁS QUE ESTÁN COLGADAS DA SÚA VISITA O CURSO PASADO AO NOSO CENTRO.

Ola a todas e todos!

2011-02-19T18:41:00.006+01:00

Algúns xa o coñecedes e a outros xa vos falamos dun concurso de caligramas, o V, que convoca todos os anos o IES Castro da Uz. Achegámosvos as bases para participardes. FIXÁDEVOS QUE PREMIOS!

O próximo día comentámolo na aula.

O grupo de biblioteca do IES Castro da Uz –As Pontes-, convoca o Vº Concurso de Caligramas coas seguintes bases:

1.- Consideramos “caligrama” un texto, xeralmente poético, no que se emprega a disposición das letras ou palabras, a tipografía ou a caligrafía para tentar representar o contido do poema ou tema.

2.- Poderá participar calquera estudante, de primaria, secundaria, bacharelato ou ciclos formativos.

3.- Cada concursante participará con un caligrama, orixinal e inédito. As obras non irán asinadas e o tema será: “O FINAL máis impactante das miñas lecturas.

4.- Os caligramas presentaranse en CARTOLINA tamaño DINA4 e poderán ser manuscritos ou a ordenador.

5.- O prazo de admisión de orixinais remata o 8 de abril de 2011. As obras presentaranse no IES Castro da uz –en horario lectivo- ou enviaranse ao enderezo: IES Castro da uz, R/ José María Penabad López s/n. (cp 15320), As Pontes, A Coruña, indicando no sobre “5º Concurso de Caligramas”. ( De ser varios alumnos e alumnas os/as que participen dun mesmo centro, os caligramas poderán enviarse nun único sobre que conteña as obras e os datos identificativos de todos/-as os/ as participantes).

6.- O caligrama non irá asinado; identificarase cun pseudónimo na parte traseira deste. Meterase nun sobre xunto a un folio que conteña a seguinte información: pseudónimo e nome e apelidos do autor ou autora do caligrama, enderezo persoal ou do centro de ensino, teléfono de contacto, correo electrónico e D.N.I. -se tivese-, así como o centro no que estuda e o curso. Tamén se incluirá o texto que se utilizou para deseñar o caligrama.. De non conter esta identificación os caligramas quedarán excluídos do concurso.

7- O xurado fará unha preselección dos caligramas presentados a concurso.

8.- PREMIOS:

Primeiro Premio - Secundaria, BAC e ciclos formativos: Un fin de semana para tres persoas nunha casa de turismo rural ou balneario ( a canxear en Halcón Viajes, R/ Antón Fraguas, 3-27001- Lugo).

Primeiro Premio – Primaria- : MP5 de 8GB e pantalla de 4 pulgadas.

(De non presentarse concursantes nalgunha das modalidades, o seu premio pasará a considerarse un2º premio para as modalidades participantes).

Elaborarase un libro con todos os caligramas preseleccionados e entregarase un exemplar aos centros nos que estean matriculados os/as gañadores/as.

As obras pasarán a ser propiedade da biblioteca do IES Castro da uz. e cos caligramas presentados realizarase unha escolma para seren colocados na biblioteca do Centro.

9.- O Xurado estará constituído por membros da comunidade educativa do IES Castro da uz e a súa decisión será inapelable. O fallo realizarase na última semana de abril de 2011.O resultado será notificado aos/ás gañadores/as e aos centros nos que se encontran matriculados vía e-mail e telefónica.

10.- O feito de participar no certame supón a aceptación das presentes bases.

SORTE A TODOS E A TODAS!!!

Grupo de Biblioteca do IES CASTRO DA UZ, 1 de febreiro de 2011.

VOLVE O PREGUNTÓN

2011-02-17T12:52:00.003+01:00

CHARLA DA ONG "EDUCACIÓN SEN FRONTEIRAS"

2011-01-31T21:01:00.001+01:00

O xoves 27 o alumnado do 1º ciclo da ESO e do 3º ciclo de primaria tiveron a visita de Pancho e Mikel, dous integrantes da ONG "Educación sen Fronteiras". Na súa charla faláronnos do compromiso coa defensa e promoción do dereito a unha educación de calidade para todos e todas, como un dereito humano fundamental, non discriminatorio e participativo cara á construción dun mundo que ofreza oportunidades a todas as persoas.

Tamen nos puxeron a curtametraxe "Binta e a gran idea". Esta historia, por certo moi fermosa, lévanos ao mundo de Binta, unha nena senegalesa de sete anos que pon en marcha unha obra de teatro infantil para mostrar o desexo da súa curmá de ir ao colexio. Binta admira ao seu pai, un humilde pescador que, preocupado polo progreso da humanidade, está empeñado en levar a cabo algo que se lle ocorreu, "a gran idea"...
Non contamos mais... Se queredes saber cal é a gran idea, podedes ver o video a continuación.

30 de xaneiro: "Día Escolar da Non violencia e a Paz"

2011-01-20T16:58:00.017+01:00

O próximo día 30 de xaneiro celebramos o Día Escolar pola Paz e a Non Violencia. Neste día, ademais de conmemorar o aniversario da morte de Gandhi, trataremos de imaxinar un mundo sen violencia, sen guerra, sen odio, sen prexuízos, sen pobreza... un mundo no que todos poidamos vivir en harmonía e igualdade.

O obxectivo deste día é resaltar a importancia da educación en e para a tolerancia, a solidariedade, a concordia, o respecto polos Dereitos Humanos, a non-violencia e a paz. E destacar o papel dos centros educativos como instrumentos de paz e entendemento entre persoas de distinta formación, raza, cultura e relixión.

O educador e pacifista que fundou no ano 1964 o Día Escolar da Non Violencia e a Paz foi Lorenzo Vidal. Se queredes saber máis sobre el e a súa obra podedes picar no seguinte enlace: Lorenzo Vidal

Aqui podedes ver unha mensaxe que vos deixa aos rapaces e rapazas do cole
:

Aquí temos algúns dos deseños convertidos en pegatinas,que fixeron os rapaces e rapazas do noso cole.

As alumnas de 3º da ESO visitaron ó alumnado de infantil e primaria para falarlles do Día da Paz e repartirlles as pegatinas.

Tamén recibimos a visita inesperada de dous ex-alumnos (Bernardo e Iago) que quixeron vir a saudarnos e, como non, aportaron o seu graíño de area axudándonos a adornar os pasillos con bandeiras da paz.

Mural sobre a Paz, feito polos alumnos e alumnas de 4º da ESO

Mural de infantil

Nadal en Primaria e E. Infantíl

2011-01-19T12:13:00.002+01:00

Nadal en Primaria e E. Infantíl

2011-01-17T10:08:00.006+01:00

Preparamos con moita ilusión as nosas actuacións para o festival de Nadal.
Colaboramos na decoración do escenario cos nosos murais .
Visitáronos os Reis que nos deron unhas chuches.
Aí van unhas fotos do noso festival. Esperamos que vos gusten a todos.

VISITA DO 3º CICLO DE E.P. A CASA DAS CIENCIAS E A DOMUS

2011-01-17T10:00:00.007+01:00

Pasamolo moi ben na visita a Casa das Ciencias e a Domus.
Pola mañá estivemos no planetario e logo xantamos na Domus.
Vimos unha peli en 3D e realizamos diversas actividades.
Fixéronnos unha disección do corazón dun porco.

ACTIVIDADES DE NADAL EN SECUNDARIA

2011-01-17T00:37:00.004+01:00

ÉXITO DA OPERACIÓN QUILO DE NADAL: RECOLLERONSE MAIS DE 500 QUILOS DE ALIMENTOS

2011-01-16T18:53:00.009+01:00

Grazas a todos e todas, familias, alumnado, profesorado e comunidade educativa en xeral pola vosa aportación e apoio na Campaña de recollida de alimentos para axudar á “Cociña Económica”. A verdade é que non podemos mais que sentirmos orgullosos no lugar onde vivimos, porque a solidariedade é outra das características da nosa vila e esta campaña demostrouno con creces.

Tamén queremos transmitir o noso agradecemento ao Concello de Ares por colaborar no transporte dos alimentos ata o seu destino.

AGRADECEMENTO DA COCIÑA ECONÓMICA Ó NOSO CENTRO

Agradecemento cociña económica

View more documents from Yolanda Castro López.

Operación quilo

View more documents from Yolanda Castro López.

BO NADAL!!

2010-12-23T21:51:00.001+01:00

Recursos para traballar o nadal nas aulas

2010-12-14T13:03:00.005+01:00

A Coordinadora Galega de EDLG vén de poñer á disposición da comunidade educativa unha páxina web dedicada ao Nadal. Neste monográfico especial podedes atopar:

1.- Postais elaboradas polo alumnado

Este espazo acolle felicitacións feitas polo alumnado e permite que calquera usuario envíe algúns destes traballos para felicitar o Nadal e o Aninovo a través da rede. O prazo de recepción de postais continuará aberto ata o 17 de decembro (vid. instrucións no documento anexo). Así mesmo, contén modelos de cartas para enviar aos Reis Magos e ao Apalpador.

Enderezo: http://www.coordinadoraendl.org/nadal2010/index.php

2.- Recursos para traballar nas aulas

Escolma de recursos sobre o Nadal elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, o refraneiro, etc.

Enderezo: http://www.coordinadoraendl.org/nadal2010/recursos/index.php

CONCURSO DE PRESENTACIÓNS ELECTRÓNICAS DE NADAL

2010-12-09T15:38:00.002+01:00

Coa intención de favorecer o uso do galego nas mensaxes de felicitación de Nadal nos novos formatos e a través das novas tecnoloxías, a Secretaría Xeral de Política Lingüística convoca un concurso de presentacións electrónicas de Nadal.

Este certame, ademais de contribuír a crear un corpo de presentacións de Nadal en galego para difundir na Rede entre o público xeral, pode resultar unha actividade interesante para os rapaces e rapazas, para que elaboren presentacións libremente ou coa guía dun profesor.

A data límite de envío das presentacións é o 20 de decembro de 2010.

Basesconcursoppt 2010

View more documents from Yolanda Castro López.

DEPORTE ESCOLAR INTERCENTROS

2010-11-30T18:16:00.000+01:00

1º PREMIO NO III CONCURSO DE ROBÓTICA DE GALICIA

2010-11-22T20:15:00.011+01:00

Parabéns aos nosos alumnos de 3º e 4º da ESO que este ano acadaron o 1º Premio no concurso organizado por IGACIENCIA na localidade lucense de Burela. Unha nova fantástica logo dunha xornada estupenda, na cal visitamos o barco boniteiro museo Reina del Carmen, onde aprendimos un pouco mais sobre o traballo dos mariñeiros, xantamos no mesón A Pedra, no que fomos maravillosamente atendidos polos donos, e os alumnos de 4º visitaron a planta de produción de Sargadelos.

Disfrutade do premio e esperemos ter a oportunidade de asistir o ano que ven!

Aquí vemos a Laura e Beatriz recollendo o premio en Burela, localidade á que se trasladaron para o acto.

Visita en Burela ó barco boniteiro museo Reina del Carmen

ELABORACIÓN DE MARCADORES

2010-11-16T19:35:00.006+01:00

Con motivo da inauguración da biblioteca, propuxemos a elaboración de marcadores co número de carné de cada neno.

Este, é un exemplo das obras de arte que fixeron os nenos do noso cole.

CELEBRACIÓN DO MAGOSTO NO NOSO COLE

O día 5 de novembro celebramos o MAGOSTO no colexio, fixemos adornos e os nen@s de infantil elaboraron cestos para botar as castañas.

Todo o alumnado do centro dou boa conta das castañas asadas, que por certo estaban ben ricas.

A continuación tedes unha reportaxe da celebración.

SAMAÍN NO NOSO COLE

Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 de novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores, tantas veces para render contas inacabadas.

Para saber máis sobre o Samaín pica no seguinte enlace: Vieiros da Escola

Os alumnos e alumnas do noso cole, celebramos o Samaín, tumba por aquíii, tumba por alá, tumba, tumba, uaha,ha,ha,ha,!!!!.

Os rapaces de infantil e primaria trouxderon cabazas que logo decoraron e fixeron unha exposición das mesmas. Tamén elaboraron paneis e murais. Todo elo o podedes ver na seguinte reportaxe fotográfica.

OS RAPACES E RAPAZAS DO 3º CICLO DE PRIMARIA ELABORARON MARMELO CON FROITOS DA TEMPORADA DE OUTONO

"REVOLTALLO DE TERMOS. A TECNOLOXÍA EN GALEGO.

2010-10-19T16:17:00.002+02:00

Xa está en marcha a “Xornada pola Ciencia en Galego” do 4 de novembro, unha xornada dirixida dende o ensino a toda a sociedade galega, para defender a idoneidade do uso do galego nas áreas científico-tecnolóxicas, comunicarlle á sociedade o orgullo de expresar ciencia e tecnoloxía en galego e divulgar experiencias científicas e tecnolóxicas pensadas e desenvolvidas en galego.

En coordinación coa CENDL e apetega, tecnoloxia.org súmase coa actividade “Revoltallo de termos. A tecnoloxía en Galego“, iniciativa que pretende dar a coñecer e difundir vocabulario técnico existente na nosa lingua, perfectamente válido para expresar e difundir tecnoloxía.

Primeira fase: A colleita

A través dun formulario web aloxado en tecnoloxia.org, comezaremos recollendo aquela terminoloxía propia do galego utilizada no campo da tecnoloxía. Calquera persoa pode participar. Comproba antes de engadir algún termo que non estea xa incluído na listaxe.

1. Termo:

Dá a coñecer unha palabra en galego utilizada en calquera especialidade tecnolóxica. Cómpre que sexa propia do galego, que sexa diferente do castelán ou do inglés.

Exemplo: Engrenaxe

2. Especialidade:

A que campo da tecnoloxía pertence? Introduce alí a especialidade tecnolóxica onde ten máis uso: informática, mecánica, electrónica, robótica..., tentaremos poñer algo de orde a este revoltallo de termos.

Exemplo: Mecánica

3. Descrición:

Pódese incluír a definición estrita de dicionario, pero se non é de doada comprensión para o público xeral non especialista convén introducir unha descrición que facilite a súa comprensión.

Exemplo: Denomínase engrenaxe ou rodas dentadas ao mecanismo utilizado para transmitir o movemento dun compoñente a outro dentro dunha máquina. Ao moverse unha engrenaxe, os seus dentes empurran aos dentes doutra roda engrenada, provocando o seu movemento en sentido contrario.

4. Imaxe:

Unha imaxe vale máis ca mil palabras, de feito en tecnoloxía precisamos do debuxo técnico para expresármonos con claridade. Engade unha fotografía, debuxo ou animación que dea soporte á explicación do termo. A imaxe irá reducida a 150 píxeles de alto, así que envía imaxes que non sexan moi grandes. A imaxe debe estar en formato JPG, GIF ou PNG.

5. Ligazón:

Podes incluír unha ligazón que nos permita ampliar a información. Debe ser en galego. Unha boa opción é dirixir á galipedia, enciclopedia libre en galego. Se o termo está incluído nela, estupendo, e se non o está, pode ser unha boa tarefa para traballar co alumnado en clase.

Exemplo: http://gl.wikipedia.org/wiki/Engrenaxe

Segunda fase: Actividades

Unha vez teñamos recompilado suficiente léxico será hora de traballar con el na xornada do 4 de novembro. Vai á sección de propostas de actividades. Alí atoparás algunhas ideas de traballo e tamén podes enviarnos as túas.

Desmontando os prexuízos contra o galego

2010-10-07T13:42:00.003+02:00

Presentación sobre os prexuízos lingüísticos realizada por tres alumnas de 3º de ESO do CPI don Aurelio de Cuntis para combater os prexuízos lingüísticos. Foi un dos traballos gañadores no concurso que sobre este tema organizou a Coordinadora ENDL de Terras do Umia. Parabéns polo resultado!

Prexuízos_contra_o_galego_

ACTUACIÓN DE PETER PUNK

2010-09-30T18:54:00.009+02:00

Organizado polo ANPA do noso centro, o pasado venres 24 os alumnos e alumnas da ESO gozaron dun momento de entretemento co espectáculo cómico do clown “Peter Punk” (Isaac Rodríguez Miranda). Neste espectáculo o noso malabarista transformouse en Peter Punk, un personaxe imaxinario chegado do país de Nunca Máis. Como un neno que se nega a medrar, Peter Punk xogou en escena co público, coa palabra e, por suposto, con todos os aparellos que foi sacando da súa maleta. Un espectáculo sen tregua, cheo de humor e malabares, no cal a comicidade mesturouse coa habilidade na procura da gargallada dos alumn@s. "Chungo, chungo que te cagas" é a frase máxica deste artista, coa que lle anuncia ao público as máis complicadas rutinas, nunha persoal versión do máis difícil aínda dos directores de circo clásico. Durante a actuación, Isaac Rodríguez, ou Peter Punk (que tanto nos ten), amosounos a súa destreza con bólas, mazas, aros, globoflexia. E todo isto sen esquecer o humor... O artista fixo partícipe aos rapaces e rapazas convidando a varios estudantes a colaborar no seu espectáculo, o que provocou máis dunha gargallada entre os seus compañeiros.

Un espectáculo cheo de alicientes que nos fixo pasar un bo momento.

1,2,3...COMEZAMOS

2010-09-30T17:58:00.003+02:00